كذبت ميرفت المليجي، المذيعة في قناة "النيل للأخبار"، ما أثارته الجماعات المضللة، عن وقوعها في خطأ باستبدال اسم الرئيس الراحل محمد حسني مبارك، باسم آخر أثناء التعليق على مراسم العزاء. وعرضت "المليجي"، الفيديو المتداول من عناصر الجماعات المضللة، وعلقت عليه: "ده فيديو منتشر جدا إن مذيع في النيل للأخبار غلط في التعليق علي الجنازة.. وهاتك يا شير بقي وشتيمه في مذيعين ماسبيرو والنيل للأخبار، وكلام في منتهى قلة الأدب". وأضافت: "اللي بيشتموا ويشيروا مكلفوش خاطرهم انهم يسمعوا الڤيديو اللي هيكتشفوا ان اللي بتقراه مذيعة، ومش مصرية، واللكنة شامية، وأن القناه واخدة الصورة، نقلا عن النيل للأخبار". وتابعت: "حقيقي انتوا اللي بتوقعوا مؤسساتكم وإعلامكم وبتهدوا في بلدكم بدون وعي، والغريب أكتر إن اللي بيشير الكلام ده ناس بتشتغل في الميديا، وعارفة قيمة الكلمة، على فكرة أنا اللي كنت على الهوا في الوقت ده". وتوفي الرئيس الأسبق محمد حسني مبارك، عن عمر ناهز ال92 عاما، عقب صراع مع المرض. تولى مبارك ابن قرية "كفر مصيلحة" بالمنوفية رئاسة مصر قرابة الثلاثين عاما، عقب اغتيال الرئيس الأسبق أنور السادات، وأجبرته الاحتجاجات الشعبية الواسعة التي انطلقت في الخامس والعشرين من يناير واستمرت 18 يوما على التنحي عن الحكم، في الحادي عشر من فبراير 2011.