بالفيديو| حسام عاشور يعتذر لجماهير النادي الأهلي بسبب خماسية صن داونز

قدم حسام عاشور، اعتذاره لجماهير النادي الأهلي بعد هزيمة الأهلي بخماسية نظيفة أمام صن داونز الجنوب أفريقي، في ذهاب دور الثمانية بدوري أبطال أفريقيا.
وعرضت الإعلامية إيمان الحصري في برنامج "مساء dmc"، فيديو لاعتذار عاشور لجماهير النادي عبر قناة "الأهلي" قال فيه: "بقدم اعتذار للناس كلها والناس كلها زعلانة والناس كلها متضايقة والناس كلها مش مبسوطة من اللي حصل وانا بعتذر للجماهير واحنا زعلانين أكتر من الناس كلها والناس كلها متقطعة وجمهور النادي الأهلي زعلان ومتضايق ومخنوق وزي ما بيقولوا قرفان من اللاعيبة واحنا أكتر منكم بس معندناش حاجة نعملها".
وتابع: "ان شاء الله، نشتغل الفترة الجاية ونعمل اللي علينا والناس كلها تقف ورا الفرقة والناس كلها تبقى معانا وتساندنا وأكيد احنا متضايقين والله ومخنوقين من اللي حصل واللي حصل مكنش ينفع للنادي الأهلي وتاريخه وقيمته مينفعش يحصل اللي حصل ده واحنا معندناش شغل الفترة الجاية وربنا يكرمنا ونرجع نفرح الناس تاني زي ما فرحناهم قبل كده".
وعن رد فعل الكابتن محمود الخطيب رئيس النادي، قال عاشور: "الكابتن الخطيب كلامه المرة دي بلهجة غير اللي متعودينها من الكابتن الخطيب وكان فيها شدة شوية وكلام صعب علينا كلاعيبة وده الطبيعي واحنا متقبلين أي حاجة وأي حد ينتقدنا إذا كان من جوه النادي أو برة النادي".
واستطرد: "احنا لازم نشتغل ومعندناش إلا إننا نشتغل الفترة الجاية وعايزين نفرح الناس زي ما فرحناهم الفترة اللي فاتت".