السيسي يستنكر تخلف المستثمرين عن دفع قيمة العقود: خير يعني؟

قاطع الرئيس عبد الفتاح السيسي، الدكتور عبد العزيز قنصوة، محافظ الإسكندرية، أثناء حديثه بحفل افتتاح مشروع الإسكان بغيط العنب "بشاير الخير 2"، بمحافظة الإسكندرية، معترضا على إطلاق مشروع "بشاير الخير 6"، بعد أن اقترح المحافظ الاعتماد على رجال الأعمال والمجتمع المدني.
وقال السيسي: "أوعوا تفتكروا أن بشاير الخير اللي اتعملت دي واللي إحنا فرحانين بيها دلوقتي معمول كدا.. لأ.. ده ورا جهد وهمة من رجال الأعمال وبنشكرهم والبنك الأهلي، ولكن مفيش الأموال الكافية من العناصر دي كلها تعمل لوحدها بشاير الخير اللي شغالين فيها دلوقتي واللي اتعملت واللي جاي، عاوزة أقول للمسؤلين معاكو فلوس إيه؟.. وبتجيبوا فلوس منين؟".
وأضاف السيسي مشيرا لقضية مستثمري الحديقة الدولية بالإسكندرية: "بقول لوزارة المالية والمحليات لما نعمل عقود مع مدنيين منآخدش فلوس ومنحصلهاش، ده كلام غريب.. خير يعني؟".
وطالب السيسي الحكومة: "عاوز يتعمل عقد حكومي أوله في الإسكندرية وآخره أسوان، عبارة عن وثيقة مؤمنة تخرج للناس كلها، أنت تآخد وإحنا نآخد، وبقول الكلام ده لأن كل المسؤلين مبيآخدش بالهم من حق الدولة وده أمر أما مبسمحشي بيه ومش هسمح بيه.. المسؤل على رأس كل مكان ينتبه لكل قرش ندي الناس حقها ونآخد حقنا".
واستنكر السيسي: "مش معقول نعمل عقود 25 سنة، ويدفع سنة و20 لأ".
ويفتتح الرئيس عبد الفتاح السيسي، اليوم الأربعاء، مشروع الإسكان بغيط العنب "بشاير الخير 2" بمحافظة الإسكندرية.
ويعد "بشاير الخير 2" هو المرحلة الثانية لاستكمال مشروع التطوير الحضاري لمنطقة غيط العنب، والتي شملت فيه المرحلة الأولى 1632 وحدة سكنية، ويتضمن إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.
ويضم المشروع عدد من الخدمات والمحلات التجارية، وتم تجهيز جميع الوحدات السكنية وتزويدها بالأثاث وجميع الأجهزة اللازمة.