تدوم الفرحة والضحكة
وتدومي في لهفتك ليا
زيك زي الغربة اللي واخداني
منين ما أهرب أنا منك
ألاقيني بحن من تاني
وأسيب في عينيكي أحلامي
وجوه عينيكي شايلاني
وأغيب عنك
ف تستني علشاني
ومهما أغلط مسامحاني
عشان أنتي اللي عارفاني وحافظاني
وأتوه إزاي
وقلبك هو عنواني
وبكتبلك وواحشاني
صحيح الغربة سرقاني
لكني في يوم
هعود تاني
قصيدة كاتبتك غياب
في كشف الحضور
كاتبتك غياب
وبين السطور
باعتلك جواب
في عز الحقيقة
لقيتك سراب
سايبلك قصيدة
ومعايا الكتاب
ده بيكي ومن غيرك هتكمل
الحياة من بعدك أجمل
واوعي تفتكريني بسأل
منا من البداية
كتابتك غياب