قالت الفنانة حنان مطاوع، إن والدها كرم مطاوع توفي وهى في الفرقة الأولى من الجامعة. وأضافت مطاوع، خلال لقائها في برنامج "معكم.. منى الشاذلي"، الذي يذاع على شاشة "سي بي سي" أنها لم تكن مدركة لأهميته الفنية، لكنها كانت تعي تمامًا أهميته بالنسبة لها، مضيفة "يمكن بعد كده لما كبرت أدركت أنه قامة فنية كبيرة جدًا وكان رائد حركة مسرحية مهمة". وتابعت: "كان عنده سرطان وقدمت اعتذار سنتها عن الامتحانات علشان أكون من المرافقين ليه لأنه كان مسافر فرنسا وقتها للعلاج وكان منفصل عن والدتي، فكنت لازم أسافر معاه أنا وعمتي". واستكملت حنان مطاوع حديثها: "والدي توفى قبل السفر بيومين وده كان كرم كبير قوي من ربنا، لأنه لو كان سافر وأنا ماعرفش حاجة، وماعرفش اللغة الفرنسية وكنت قاصر ومافهمش حاجة فكانت هتبقى مشكلة في التعامل، والحقيقة كانت تجربة تقيلة عليه شوفته بيخلص قدامي في 8 شهور وكانت تجربة أكبر من أني أستوعبها وأثرت فيا لكن أنضجتني كتير".