نائب ل"أحمد زكي بدر": "ابن الظابط بيطلع ظابط وإنت مش ظابط".. والوزير: "أنا ظابط بطريقة تانية"

تحدث النائب إلهامي عجينة، عن غياب العدالة الاجتماعية في التعيينات، قائلا: "ابن الدكتور بيطلع دكتور، وابن الظابط بيطلع ظابط"، ثم وجه كلامه للدكتور أحمد زكي بدر وزير التنمية المحلية، الذي كان والده وزير الداخلية الراحل زكي بدر، قائلا: "بس انت أبوك كان ظابط، وانت ولا ظابط ولا حاجة"، فرد عليه زكي بضيق: "أنا ظابط برضه بس بطريقة تانية".
وعقب النائب قائلا: "أنت ظابط بتهدد بس، وإحنا عايزين حكومة عندها شفافية، وأحمد زكي بدر مسؤول عن المحافظين اللي مبيعملوش حاجة، وعشان أقابله عايز واسطة من رئيس الوزراء"، فرد عليه الوزير ب"ابتسامة".
يذكر أن لجنة النزاهة والشفافية، منعقدة حاليا برئاسة النائب يوسف القعيد، والدكتور أحمد زكي بدر وزير التنمية المحلية، والدكتور أشرف العربي وزير التخطيط، والمستشار مجدي العجاتي وزير شؤون مجلس النواب.