"كانت عايزة تمشيني" ميمي جمال تكشف تفاصيل تعاونها مع ماري منيب

تحدثت الفنانة ميمي جمال عن العديد من الأسرار الشخصية عنها منها تفاصيل تعاونها مع الفنانة الراحلة ماري منيب ورأيها في عمليات التجميل، وذلك خلال الجزء الثاني من لقائها ببرنامج "واحد من الناس".
أسرار من حياة ميمي جمال
وخلال لقائها ، روت الفنانة ميمي جمال تفاصيل تعاونها مع الفنانة ماري منيب قائلة ً :"ماري منيب أول ما شافتني قالت البنت دي مش عجباني، وكانت عايزة تمشيني، وقالت أنا اتحولت منك على المسرح وإيه رايحة جاية.. تقومي تقعدي.. أنا البنت اللى تشتغل معايا تقعد جنبي على الكنبة، ومش أقول الإفيه وانتي تعدي من قدامي".
وواصلت حديثها :"ماري منيب لطيفة أوي، إلا إنك تبوظ لها شغلها، قلت لها أنا هقعد ومسمار وشاكوش ودقتني على الكرسي ومتحركتش علشان مزعلهاش وده عجبها".
كذلك تطرقت الفنانة للحديث عن عمليات التجميل فقالت :"مقولتش إني أجريت عمليتين تجميل لإني بترعب من العجز، أنا لسه احتمال الشهر اللي جاي أروح حفلة في لبنان وفيها حد عايز يعملي تجميل في رقبتي وقال لي هتجيلي آخدك غرزتين، أنا عارفة عيوبي اللي في وشي وبالمكياج بيروحه".
كما كشفت نقاط ضعفها معبرةً :"نقطة ضعفي قلبي لإني حنينة زيادة عن اللزوم ولو أي حد حاجة مؤثرة أصدقه لحد دلوقتي وأنا في السن ده، وده غلط لإني اتخدعت كتير في ناس مكنتش اتخيل، بس بقيت اسمع من هنا وامشي من هنا".
وأضافت :"في فترة طويلة من حياتي لجأت للمهدئات علشان اعرف انام بعد وفاة والدتي لإني مكنتش اعرف اشتغل لو مكنتش موجودة وكان عندي توأم وهي شيلاني ولما تعبت انا تعبت فكنت باخد حاجات علشان اعرف أنام".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا