رد ناري من ويجز على إتهامات عمرو مصطفى بشراء موسيقي الأغاني

حرص الفنان ويجز على الرد على إتهامات الملحن عمرو مصطفى له بشراء موسيقي الأغاني دون الحاجة لإستخدام موزع موسيقي، وذلك عبر حسابه الرسمي علي موقع "إنستجرام".

تعليق ويجز على اتهامات عمرو مصطفى
ومن خلال خاصية الاستوري، نشر ويجز صورة له وجه فيها رسالة شكر لجميع الموزعين الذي تعاون معهم معلقاً عليها: "أحب أشكر كل الرجالة اللي تعاونوا معايا في أغاني الحقبة"، كما ذكر أسماء جميع الموزعين الذي عمل معهم.
إتهامات عمرو مصطفى لويجز بشراء الموسيقي
جدير بالذكر أن الأزمة بدأت عندما وجه الملحن عمرو مصطفى إتهامات لبعض الفنانين قال فيها :"الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع".
وواصل :"على فكرة ويجز وكل الشباب اللي طالعة جديدة كلهم بيشتروا موسيقى جاهزة ب100 دولار والموزع دوره مش موجود".

رد الموزع مولوتوف على تصريحات عمرو مصطفى
من جانبه حرص الموزع مولوتوف على نفي تصريحات عمرو مصطفى مشيراً لتوزيعه عدد من الأغاني للفنان ويجز، قائلا ً :"مبدئيا أنا هتكلم عن الأغاني اللي أنا عملتها لويجز وهي، دورك جي، بالسلامه، أسياد البلد، وبما إن أنا الموزع بتاعها أحب أقول للأستاذ عمرو مصطفى إن الأغاني معمول فيها توزيع وهندسة صوت وتلحين وشغل بالمستوى العالمي، وبتاخد وقت ومجهود وتفکير کبير جدًا من كل الأطراف المشتركة فيها".
واسترسل حديثه :"الموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا فأنا لم أتقاضَ أي أجر على الأعمال دي لإن فيه اتفاقات بصورة تانية".
وأنهى لافتاً: "في النهاية إحنا بنشكرك على استماعك بس يا ريت تتحرى الدقة قبل نشر أي معلومات، وشكرًا".