رانيا يوسف: «مش بخاف من الموت ولا من يوم الحساب»

صدمت الفنانة رانيا يوسف جمهورها بأحدث تصريحات لها أثناء حلولها ضيفة في برنامج "العرافة" مع الإعلامية بسمة وهبة، منها تصريحاتها عن الموت ويوم الحساب.

تصريحات رانيا يوسف عن الموت ويوم الحساب
فكشفت رانيا يوسف عن سبب عدم خوفها من يوم الحساب قائلة ً:"أخاف من ربنا ليه أنا مبعملش حاجة غلط، أنا ربنا خلقني بني أدمة بغلط وبرجع لربنا بس ده مش معناه إني بخاف منه أنا بحبه، ليه ما نحب ربنا وأما بنحب حد عمرك ما هتزعليه، بحبه وبعمل اللي بيقولي عليه ومش بخاف من الموت ده راحة ولا بخاف من يوم الحساب وعندي ثقة مطلقة إني معملتش حاجة غلط، وعلى الفستان أنا غلطت ورجعت".
وفي الحلقة ذاتها كشفت رانيا يوسف سبب صورتها مع رئيس نادي برشلونة فقالت :"أنا اتصورت في كافيه في عز النهار، أنا مش رايحة أحارب، ومشتمنيش ومش هدخل في حياة الشخصية أنا واحدة قابلت واحد في كافيه في المفروض أفتح السي في بتاعه أشوف اتجاته اي، ومش متابعة الكلام ده، وهو مش كاره مصر بدليل إنه كان عايز يتجوز مصرية، ومعلوماتي انه بيحب مصر".
وفي وقت سابق كانت الفنانة رانيا يوسف قد كشفت عن رأيها في تطبيق الدريس كود بالدورة الماضية من مهرجان القاهرة، فقالت :"دريس كود يعني لبس يليق بالمهرجان والبطانة غلطة وعدت، رانيا بقيت الهدف في أي مهرجان هتلبس ايه.. وكل الناس لبست كويس، وأنا مش ضد الفكرة، ومتهيأليش أنه يقصد أنه ممنوع حد يلبس مفتوح أو قصير وأكيد مش هنروح بعبايات، أنا أفورت في مرة وكانت غلطة"
وواصلت رانيا يوسف :"فيه زميلات بيلبسوا مفتوح أكتر مني ومحدش بيجيب سيرتهم، ربنا مديني جسم حلو وبلبس اللي انا عايزاه انا مش بلبس عريان، أنا بلبس اللي بيليق عليا".

آخر أعمال رانيا يوسف
وفي سياق متصل، يشار أن آخر أعمال الفنانة رانيا يوسف هو مشاركتها في مسلسل "شارع 9" مع محمود عبدالمغني، نرمين الفقي، نضال الشافعي، سميرة صدقي، أحمد سلامة، ياسر علي ماهر، هدى الإتربي، صبا الرافعي، وآخرون، من تأليف حسين مصطفى محرم، وإخراج محمد عبدالخالق.
وتدور أحداث مسلسل "شارع9" حول اختفاء ابنة رجل اعمال شهير، تقطن في شارع 9 بمنطقة المعادي ويقرر زوجها العودة من الخارج للبحث عنها ويكتشف انها قتلت في ظروف غامضة يشترك في احداثها مجموعة من سكان شارع 9، وتتوالي الأحداث في إطار جريمي مشوف.