برلنتي عامر تفجر مفاجأة عن طليقها سعد الصغير.. اعرف التفاصيل

أعلنت الفنانة برلنتي عامر، طليقة الفنان سعد الصغير عن عودته لطليقته الراقصة شمس.
كتبت برلنتي، عبر حسابها الشخصي بموقع "فيس بوك"، "وللعلم إن سعد رجع لشمس الرقاصة ولسة راجع من عندها من تركيا يوم ما سافر تونس وانا شخصيا فرحت علشان يبعد عني بالمصايب بتاعتة دي".
أضافت،" ربنا يبعدك لحد كدة بس لسة هنكمل في الجزء التاني البيت بقي والعيال وكدة يعني وهسيب الموضوع كلة ليكم ولسة مكاملين إنهاردة كفاية كدة فاصل ونواصل".
وكان كشف الفنان سعد الصغير حقيقة الخلاف بينه وبين طليقته الفنانة برلنتي عامر، حيث قال إن والدتها سرقت منه 75 ألف جنيها بدون دراية منه.
أضاف سعد، في فيديو نشره عبر حسابه بموقع التواصل الاجتماعي "فيس بوك"، "كنا قاعدين في عربيتي ولقيت والدة برلنتي عامر بتدور على حاجة بقالها 5 دقايق، وقالتلي أنا بجيب حاجة ل بنتي، واكتشفت إنها سرقت 75 ألف جنيه مني، وعمري ما توقعت إنها تعمل كدا لأنها ست كبيرة ومحترمة وبتصلي، وطبعًا جريت وراهم على الطريق لأنهم حاولوا يهربوا".
تابع، "لما رحنا القسم كانت هتتحبس وبرلنتي باست ايدي عشان أتنازل ياما هي تتحبس ومامتها لا وأنا اتنازلت لأني مكنتش ناوي أعرفهم تاني".
وكانت كشفت مصادر، عن دهس الفنان الشعبي سعد الصغير لزوجته الثانية الفنانة برلنتي عامر وشقيقتها في حدائق الأهرام وتم نقلهم للمستشفى لكن استقرت حالتهما.