رد الإعلامي شريف مدكور، على هجوم الجمهور عليه بسبب حديثه عن المحجبات وتقيدهم بزي معين، حيث قال: "المحجبة مش حرة وليها زي خاص لأنها اختارت تلتزم ليه تلبس ضيق؟، والناس التانية أحرار لأنهم ما اختاروش يتحجبوا، وأنا ماليش دعوة بالمحجبات".
وكان تصدر الإعلامي شريف مدكور، تريند مواقع التواصل الاجتماعي وذلك بسبب حديثه عن فرض ضوابط للملابس التي تظهر بها ضيفات برنامجه من المحجبات.
وانتقد الجمهور شريف مدكور بسبب رفضه ظهور أي محجبة ترتدي ملابس ضيقة في برنامجه، وإلزامه لهن بارتداء ملابس واسعة وفضفاضة، وهو ما يراه البعض تدخلا منه في حريتهن، رغم عدم تدخله لفرض كود لملابس ضيفاته غير المحجبات.
وكان كشف مدكور، عن أغرب رسالة وصلت له من أحد متابعيه وذلك من خلال حسابه بموقع "فيس بوك" وعلق عليها ب"الرسالة دي من أغرب الرسائل اللي جاتلي في حياتي كانت قبل ما أدخل العملية بيومين تقريبا ومش فاهم الشخص اللي بعتها عاوز إيه وليه يبعت كلام زي ده لواحد مريض".
وجاء في الرسالة: "إزيك عامل إيه أنا مش عارف أقول إيه.. أنا بس مش معجب بيك، ومش بلاقي دمك خفيف خالص.. لكن في الحقيقة أتمني تكون كويس في أقرب وقت.. بجد ألف سلامة عليك.. وربنا يبعد عنك كل وجع وشر".