أثارت ميار الببلاوي، أزمة جديدة من أزماتها المفتعلة كل يوم بتوجيه الشتائم والتصريحات السلبية للفنانين، حيث بدأت أولى أزماتها هذا الأسبوع مع الفناة الكبيرة القديرة نجلاء فتحي مرورًا بالفنانة حنان مطاوع وصولًا بالفنان أحمد رزق.
وتعودت الببلاوي، على إثارة الأزمات مع الفنانين لجذب الانتباه، ودوكًا ما تنهال التعليقات السلبية عليها والدفاع عن الفنان صاحب الأزمة، وكان التعليق المشترك على جميع أزماتها هو اتهامها بالكذب والافتراء على الفنانين.
واليوم أزمتها كانت مع الفنانة نشوى مصطفى، قائلة،: "كانت تجمعنا علاقة صداقة قوية في بدايتنا الفنية، كما أن نشوى من نصحتها بارتداء الحجاب، لكن هي متحجبتش".
تصريحات ميار الببلاوي
وأضافت الببلاوي، خلال لقائها في برنامج قعدة ستات،: "نشوى مصطفى، صاحبة عمري واشتغلنا وبدأنا مع بعض، وكانت حياتنا لذيذة لدرجة إنها كانت وراء قراري بارتداء الحجاب، هي خدعتني خلتني أتحجبت وهي كملت في الوسط الفني".
وأوضحت الببلاوي،: "أنا قُلت لها زمان إن خطيبي اللي هو أبو ابني دلوقتي، مش عايزني أسيب الشغل، قالتلي وإيه يعني إحنا ناس لو اختفينا مش هيتحس إننا اختفينا، والموضوع أصلًا مش هيستمر وكلها كام سنة والناس مش هتتعرف علينا، واللي باقي البيت والعيال".
وتابعت الببلاوي،: "أنا روحت قعدت أفكر في كلامها وخدت قرار الجواز والحجاب، وقتها كنا بنصور مسلسل وقعدنا مع بعض في البريك بين المشاهد وهي اقنعتني بموضوع الحجاب، لأنها كانت بتنصحني بمنتهى الأمانة، وعمري ما ندمت على الحجاب، ولكن هي نصحتني بحاجة وأنا مقدرة، ولما حصل الموقف أنا أتصدمت لأني مكنتش متخيلة إنها الشخصية الخدومة الجدعة اللي دمها خفيف تعمل كده".
تفاصيل خلاف ميار الببلاوي ونشوى مصطفى
واستكملت ميار الببلاوي،: "أنا بتكلم إننا كنا قد إيه إحنا أصحاب وأنا كنت بحكي لها أسراري وإحنا مع بعض في الشغل، وخدت معاها قرار مصيري في حياتي، لما هي قلبت عليا القلبة دي.. والدنيا اتقلبت ومذيعين الإخوان والكوميكس وبقوا يقولوا شوفوا ممثلة محجبة بتعمل إيه".
وأردفت ميار الببلاوي،: "الموضوع بمنتهى البساطة أنا أيام الكورونا جت الراقصة دينا قالت إحنا بنيجي على نفسنا وبننزل علشان نسعدكم في رمضان، أنا اللي ده في دماغي إنه لأ إنتي متنزليش وتعرضي نفسك للخطر، رمضان هيجلنا سواء كان فيه مسلسلات ولا مفيش مسلسلات، ولكن حرام تضيعي نفسك، رمضان هيجي من غير مسلسلات وده شهر طاعة".
وأضافت ميار،: "الموضوع كان كبير، ونشوى علقت على الموضوع ده، وبعدين أنا كلمتها قالتلي لأ أنا مش زعلانة وصفينا كل حاجة، ولكن أنا اتصدمت لأن لما جه رمضان اللي بعده ونزلت صورت وقُلت مسلسلي في رمضان، هي قالت إنتي إزاي تنزلي تصوري في رمضان، مش قُلتي إن رمضان شهر عبادة، طب هو علشان رمضان شهر عبادة يبقى مشتغلش".