كشف الفنان حسام حبيب، تفاصيل قيام شيرين عبد الوهاب بحلق شعرها بعد أزمتهم الأخيرة التي أثارت حالة من الجدل عبر مواقع التواصل الاجتماعي.
وقال "حسام حبيب" في اتصال هاتفي مع الإعلامي عمرو أديب ببرنامج "الحكاية" المذاع على فضائية "إم بي سي مصر" مساء اليوم الجمعة. "يوم الخناقة خيرتها بين اللايف ستايل بتاعها وبيني".
وأضاف "دخلت وخرجتلي وهي قاصة شعرها وأنا اغمى عليا وانهارت من العياط ليه وطلبت الطلاق وأنا وافقت وأول مرة أقولها أنا هطلقك".
وتابع "أنا راجل عندي كاريير وهشتغل لو بفكر في الفلوس مكنتش هفكر في شيرين أنا ما عملتش حاجة لنفسي. من يوم ما اتجوزت شيرين ولا لحنت أغنية إحنا اتفقنا على الطلاق".
واستطرد "الناس لما شافت شيرين كده قعدت بقول أن ده حلم مش حقيقة. بعد ما حصل أنا كنت مصمم على أن الناس دي متكونش موجودة".
وأردف "بعدها اتصالحنا ورجعنا لنفس المشاعر بس مكنش حد عارف غير أهلي وأهلي. رجعنا لبعض تاني كانت في المحيط الضيق والرجوع مكنش على الورق ولكن لقيت الحياة مستمرة وعلشان كده قررت الانفصال نهائيًا".