أثار الفنان صبري فواز الجدل، بعدما سخر من قرار نقيب الموسيقيين مصطفى كامل بشأن وقف تصاريح مطربي المهرجانات.
وكتب صبري فواز، عبر حسابه على "الفيس بوك"، "عاوزين حد متخصص من نقابة المهن الموسيقية يفهمنا و يعلمنا .. ايه الفرق بين المهرجانات ، و قشطة يابا".
هيثم نبيل يعلق على منشور صبري فواز
وعلق الفنان هيثم نبيل، على سخرية الفنان صبري فواز على قرار مصطفى كامل بشأن المهرجانات.
وقال نبيل، خلال منشور عبر حسابه على موقع التواصل الاجتماعي "فيس بوك"، "استاذ صبري الحقيقة البوست ده غير موفق لانه تم استغلاله استغلال سيء، وانا مش هعتبره بوست ساخر وهفترض حسن النية".
وتابع: "اسمحلي انا ارد علي حضرتك نقابة الموسيقيين محتاجة ادارجي مش بيتهوفن زي ما الدكتور اشرف ذكي مش اقواكم تمثيلا ولكنه النقيب الانجح في العموم .. واحنا جربنا الوجهات المشرفة والنتيجة مكانتش احسن حاجة وللعلم مصطفي كامل شاعر كبير وتاريخه ممكن حضرتك تبقي مش ملم بيه لكنه لايقتصر علي قشطة يابا اللي هي اغنية داخل فيلم زي لو حضرتك لو في فنان عمل دور غير لائق اجتماعيا مش هنحسبه علي حياته الشخصية".
وأضاف: "وللعلم في الدورة الاولي انا كنت مستغرب ان شاعر يبقي نقيب الموسيقيين وللعلم برضو انا عمري ما قابلته ولا في سابق معرفة الا انه النقيب اداريا الانجح من كل القامات اللي تحب تشوفهم في النقابة .. واخير لا فرق بين قشطة يابا والمهرجانات واي نوع اغاني من حق الكل يقدم النوع اللي يحبه وليه ناسه اللي بتسمعه مع التحفظ علي بعض الكلمات اللي دور الرقابة تمنعها وفعليا المهرجانات مبتعديش علي رقابة".
واختتم كلامه قائلًا: "أنا عارف أن البوست بتاع حضرتك بطعم الحريات بس صياغة غير موفقة .. كنت اتمني ان لما تكتب بوست المفترض انه غير ساخر وتلاقيه بقي مادة للسخرية تمسحو .. احيانا في بوستات بتنجحلنا بتنسينا انه علي حساب جرح ناس تانية وانا متفهم انك اكيد غرضك شريف".
توضيح صبري فواز للمنشور الساخر
ورد صبري فواز على منشور هيثم نبيل قائلًا: "مساء الرضا يا برينس، المشكلة إننا كلنا متفقين على حاجة واحدة .. هي ( فن راقي )، بس بتعالج الموضوع غلط، بدليل انتشار المهرجانات والرقابة وكل اللي عمله هاني مهني و هاني شاكر و مصطفى كامل ما قدرت يمنع ( بتاعة ) زي انتش و اجري من انها تطلع و تفرقع و تكسر الدنيا، يبقى احنا اكيد بنعمل بطريقة غلط، بس يا سيدي".