هاجم نجل السيناريست مصطفى محرم، المخرج جمال عبد الحميد بسبب حديثه عن مسلسل "ريا وسكينة"، بأنه هو من ألفه.
كتب حسين، عبر حسابه الشخصي بموقع "فيس بوك"، "الأستاذ المخرج جمال عبد الحميد هو حضرتك عشان تعمل تريند تطلع تقول إنك اللي كتبت مسلسل ريا وسكينة، وهو حضرتك تعرف أصلا تكتب مسلسل بمستوى ريا وسكينة ولا تعرف تكتب بحرفية زي مصطفى محرم ومين هيسمحلك".
أضاف، "وهل المنتج الكبير جمال العدل كان هيسمحلكولا والدي كان هيسمح إن حد يكتبله، ولما حضرتك شاطر أوي في الكتابة كدة ليه مشوفناش أي عمل ناجح من تأليف حضرتك، أستاذ جمال عبد الحميد حضرتك كداب".
تابع، "ومين كان هيسمحلك؟ هل المنتج الكبير جمال العدل كان هيسمحلك؟ ولا والدى كان هيسمح إن حد يكتبله؟ ولما حضرتك شاطر أوي في الكتابة كده ليه ماشفناش أي عمل ناجح من تأليف حضرتك؟.. أستاذ جمال عبد الحميد حضرتك كداب".
وكان علق جمال عبدالحميد على مسلسل "ريا وسكينة" قائلا: "المسلسل كان بالنسبة لي مرفوض بعد ما شفت السيناريو، وسامي العدل قالي اقرأ الكتاب اللي مكتوب منه السيناريو، وكان للكاتب صلاح عيسى وقريته، وقابلت صلاح عيسى وهو حد مثقف ومدرك وواعي جدا الله يرحمه، وقلتله أنا هاخد الحوار وأخدت تفاصيله وعملتها مسلسل، وكتبت المسلسل بناء على اللي كاتبه صلاح عيسى، وكنت فرحان إني بعمل شغل لصلاح عيسى وأنا اللي كتبت السيناريو بتاعه للآخر".