كشفت الفنانة هلا رشدي، عن الجدل المثار حول إذا كان الغناء حلال أم حرام، قائلة: "مقدرش أجزم إن اللي بعمله صح لكن أتمنى ربنا يوفقني للي فيه الصالح ويبعدني عن كل حاجة ما يبقاش راضي عنها".
وكانت كشفت المطربة هلا رشدي، آخر تطورات حالتها الصحية، بعد خضوعها لعملية جراحية بالظهر في الأيام الماضية، مشيرة إلى أنها بدأت في رحلة علاجها من خلال المكوث في المنزل شهرًا.
كتبت حلا، عبر حسابها الشخصي بموقع "فيس بوك"، "ادعو لي أديني أهو مش مقصرة معاكم وفي عز الألم، أول ما بيتسكن وأحس إني قادرة أفرحكم واطمنكم بعمل كده، وأنا رجعت البيت الحمد لله.. ومن النهاردة بدأت رحلة العلاج بالمكوث شهر في المنزل مستلقية على ظهري عشان كل حاجة ترجع لنصابها الطبيعي، وهطلع لكم لايف أحكي لكم الحكاية من الأول".
وخضعت هلا منذ أيام لعملية جراحية، ونشرت عبر حسابها إنستجرام، صورة لها من أحد المستشفيات، قبل إجراء عملية جراحية، وكتبت "هلا": "بصوا، هو أنا مبحبش الكلام ده، بس بناء على إلحاح المرافقين قالولي أطلب منكم الدعاء عشان داخلة أعمل عملية في ضهري دلوقتي إن شاء الله"، وتابعت: "لما أطلع بالسلامة بإذن الله الشافي المعافي أحكيلكم الحكاية من الأول.
وبعد الجراحة كشفت المعاناة التي تعرضت لها فقالت : شكراً لكل الحبايب اللي ربنا طبطب عليا بيهم الفتره اللي فاتت، من يوم العمليه اللي كان عامل زي الزفة في المستشفى، وبعدها عطايا ربانيه وليالي مِلاح مليئة بالحب والدعم النفسي والمعنوي".
وأضافت :"من كل قلبي بحبكم وزادت غلاوتكم في قلبي وعرفت قيمتي عندكم.. الحكايه باختصار كانوا 13 يوما من أصعب أيام حياتي من غير نوم وب أنين بيقطع في قلبي وجسمي ومفيش على لساني غير كلمة يا رب بكل اشكالها من قرآن وذكر بسبب آلام مزمنه متواصله زي النار القايده في ظهري ورجلي الشمال اللي فشلت كل المسكنات في تسكينها".
DMCA
PROTECTED