رد ناري من مبروك عطية على "البوس" في الأفلام

انتقد الداعية الإسلامي الدكتور مبروك عطية، أستاذ الشريعة الإسلامية بجامعة الأزهر، تصريحات المخرج هادي الباجوري، الأخيرة المثيرة للجدل، بشأن موافقته على تقبيل زوجته الفنانة ياسمين رئيس، في الأعمال الفنية.
وقال "عطية"، في نقطع فيديو بثه على قناته الرسيمة على يوتيوب: "أنا عايز أناقش التصريح اللي قرأته بعيني بهدوء، أحد المخرجين مراته ممثلة فبيقول أنا معنديش مشكلة مراتي تمثل مشهد رومانسي، لأن البوس في السينما عادي".
واستكمل: "الملايين اللي بتقرأ ممكن يفكروا إن الزوج لو معندوش مشكلة إن مراته تتباس في السنما يبقى حلال وبراءة".
وأكد الدكتور مبروك أن الزوجة يجب أن تتطيع زوجها شرعًا في المعروف، أي تطيعه فيما هو حلال شرعًا، لكن لا طاعة له عليها فيما يغضب الله، وفق الحديث النبوي: "لا طاعة لمخلوق في معصية الخالق".
وتابع: "والبوس اللي في السيما زي البوس اللي في الحقيقة، مفيهوش تمثيل، وبعدين منتش مضطر أوي تعرض مشهد فيه بوس، أنه معروفة إن دي مش مرات دا، هات القضية الاجتماعية اللي بيناقشوها، وموضوع ثقافي بين راجل مراته قاعدين يتناقشوا".
وأردف قائلًا: "الشاهد إن إذنك ورضاك إن مراتك تتباس في السينما لا يشفع لك عند الله أولًا، ثانيًا لا يجوز إنها تسمع كلامك، لأن الله حرّم الزنا".
ووجه حديثه إلى الزوجات قائلًا: "الزوج ملهوش حكم عليكي فيما يغضب الله، يعني ممكن واحد يدل مراته على الخيبة، ويطلب منها حاجة حرام فتستغرب، ولما يعرف إن الزوجة معندهاش استعداد يقول دا أنا بهزر. الله يإيديه رزقنا وعمرنا، وقال: (ولا تقربوا الزنا).
كما انتقد أستاذ الشريعة الإسلامية بجامعة الأزهر، مصطلح "خيانة زوجية"، وقال: "مفيش حاجة اسمها خيانة زوجية ولا يجرؤ آدمي يرد عليا، لكن اسمها خيانة ربانية، لو شالت معظم بناتنا فكرة خيانة زوجيها من نفوخها هتعيش سعيدة جدًا".
وأضاف: "اللي ارتكب الفاحشة مخانش زوجته، لكن خان ربنا اللي قاله متقربش.. إنما الزوج يقول أنا معنديش مانع، انت معندكش مانع لكن عند ربنا مانع، هي عندها مانع إنها تسمع كلام ربنا متسمعش كلام أمك".
البوسالبوس في الافلاماهم الاخبارمبروك عطيةهادي الباجوريياسمين رئيس