عاجل| مد إجازة نصف العام أسبوعين كمان.. التعليم ترد

أهم موضوع مهتم بيه المواطنين دلوقتي هو موعد بدء الدراسة في الترم الثاني، وهل فعلاً هتبدأ ولا هيحصل أن وزارة التربية والتعليم ممكن تقرر تأجيل الفصل الدراسي الثاني كام يوم كمان وبكدا يكون في مد لإجازة نصف العام.
وفعلاً في أخبار انتشرت بين الطلاب وأولياء الأمور بتقول كدا، بتقول أن إجازة نصف العام لسه هتستمر أسبوعين كمان عشان انتشار فيروس كورونا بشكل كبير، وإن الإصابات مرتفعة جداً، فهي أكثر من 2000 إصابة بتسجلهم وزارة الصحة يومياً.
وطبعاً، دي مش أول مرة تنتشر فيها أخبار زي دي، وانتشرت أكثر من مرة بصيغ مختلفة، وفي كل مرة كانت وزارة التعليم، أو وزير التعليم، الدكتور طارق شوقي، بيردوا على هذه الأنباء ويكشوا حقيقتهم.
والمرة دي، ردت وزارة التربية والتعليم، وقالت إن الكلام دا مش حقيقي ومش صحيح، وإن أخر يوم في الإجازة بكرا،
الخميس، ومن يوم السبت هتبدأ الدراسة في الترم الثاني.
وأكدت الوزارة أنها متبعة للخطة والأجندة الدراسية اللي أعلنت عنها قبل كدا، ومافيش فيها أي تغيير، ولا تأجيل ولا إلغاء.
أما عن فيروس كورونا، فطمأنت الوزارة الأهالي، وقالت إنها استعدت للترم الثاني جداً،
وعقمت المدارس والفصول ودورات المياه، وإنه بتلزم بلبس الكمامة طول اليوم الدراسي.
وحذرت الوزارة الطلاب من الغياب المستمر، وقالت إن هيتم رصد الغياب والحضور أول بأول
واللي هيتخطى المدة المحددة ليه من الغياب هيتم فصله.
اجازة نص السنةاخبار التعليمالتعليماهم الاخبارتأجيل الترم الثانيعاجل