أول تعليق من كارولين عزمي بعد القبض على المتحرش بها

وجهت الفنانة الشابة كارولين عزمى عبر صفحتها الشخصية على موقع الصور والفيديوهات الشهير " إنستجرام " الشكر الى وزارة الداخلية بعد القاء القبض على الشخص الذى قام بالتحرش بها، كتبت: "الحمدالله حقي رجعلي عايزة اشكر وزارة الداخلية والنيابة العامة على سرعة الاستجابة ووقفتهم ، شكرا انكم مسكتو الشخص دة في نفس اليوم".
أضافت، "واحب اقول لكل البنات أي موقف تتعرضيله اوعي تسكتي واجهي ومتخافيش وحقك هيجيلك احنا بلد فيها قانون".
تابعت، "مع احترامي لزوجته واولاده بس أنا مش هتنازل واتمنى يكون درس ليه وعبره لغيره".
وكانت قد نشرت الفنانة كارولين عزمي فيديو عبر حسابها الشخصي بموقع التواصل الاجتماعي «انستجرام»، توثق خلاله تعرضها للتحرش أثناء قيادة السيارة، وعلقت كارولين على الفيديو قائلة: «أنا اللي يعرفني أو متابعني عارف اني شخص مالوش في المشاكل ولا عمري شاركت مشكلة تخصني على سوشيال ميديا.".
أضافت، "باختصار النهاردة كنت في عربيتي وجنبي عربية فيها واحد كسر عليا كل اللي عملتوا انا بصتله وبصيت قدامي ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفاجأت وهو بيقولى بتصوريني يا بنت "لفظ خارج"..
تابعت، "ساعتها اتخضيت و بدأت اصور بجد و انتو هتشوفو في الفيديو الحركات اللي بي أيده و الشتايم.... و بدء يقولى تعالى ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش اصور 1٪ من اللى عمله الشخص د"..
أخبار الفنكارولين عزمي