عمر كمال يهاجم مطربي المهرجانات: الشتايم بقيت علني

كشف الفنان عمر كمال، عن رأيه في منع عدد من مطربي المهرجانات، حيث قال: "الراب موجود أهو ليه بتوع المهرجانات ميبقاش له شعبة".
أضاف عمر، خلال مداخلة هاتفية ببرنامج "تحت الشمس"، المذاع على فضائية "الشمس"، "أنا مع قرار الفنان هاني شاكر لأن الشتايم بقت علني، بجد في ناس بتوع مهرجانات بيقولوا كلام مينفعش يتقال خالص، وأنا كعمر بتأذي منه، والفئة دي فعلا لازم تتمنع، أنا بقول ده إزاي يتقال، لأنها شتايم علني وعيني عينك، النوع ده لازم يتمنع".
تابع عمر، "زي ما عمر كمال راح النقابة ومضى إقرار أنه أي أغنية هينزلها هتُجاز من الرقابة، ده يتعمم ونعمل شعبة للمهرجانات، لكن موضوع الأصوات ما هو برضو بتوع الراب مش أصوات".
وكانت نقابة المهن الموسيقية أعلنت أسماء الممنوعين من الغناء وشملت حمو بيكا وحسن شاكوش وكزبرة وحنجرة ومصطفي زكريا الشهير بمسلم وأبو ليلة وأحمد قاسم الشهير ب"فيلو" وأحمد موزة وحمو طيخة وريشا كوستا وسمارة وشواحة وولاد سليم والعصابة والزعيم وعلاء فيفتى وفرقة الكعب العالى ومجدى شطة ووزة وشكل وعمرو حاحا.
أخبار الفنعمر كمالهاني شاكر