في عيد ميلاد الكدواني مشكلة في قدمه تسببت في التحاقه بمعهد الفنون

يحل اليوم 10 ديسمبر 2020، عيد ميلاد الفنان ماجد الكدواني والذي يعتبر واحدًا من أشهر النجوم على الساحة الفنية في الوقت الحالي.
ولد الكدواني، في شبرا، وقضى أول 18 سنة من عمره في دولة الكويت ليتخرج من مصر من كلية الفنون الجميلة ثم المعهد العالي للفنون المسرحية.
بدأ مشواره في السينما التي يعشقها بفيلم "عفاريت الأسفلت"، وبعدها "حرامية في كي جي 2″، "الرهينة" "الرجل الأبيض المتوسط"، ليصبح بعدها واحدا من أنجح الكوميديانات في مصر.
توقف عن التمثيل في المسلسلات عام 2008، وقدم نفسه كممثل يجيد لعب جميع الأدوار مهما كانت صعوبتها في السينما في أفلام "كبارية" و"الفرح" و"678 " و"أسماء" و"هيبتا".
قال الكدواني، بأحد البرامج، " لما كنت بمدرستي في الكويت، فيه زميل ليا طلب مني إني أغششه في الامتحان، فقلتله مش هينفع عشان ممكن نترفد، وكان ليه أخ أكبر مننا وكان في مرحلة الثانوية العامة، وعرف إني ماغششتش أخوه، وكان معاه عربية، بيهزر معايا وبيهوشني بعربيته، وأنا كنت طالع من المدرسة ومستني (الباص) بتاعي، الموضوع قلب بحادثة جامدة، وخبط فيا جامد، وحدث تهتك في الأربطة ، فجأة لقيت نفسي واقع على الأرض، وإتجبست 3 أشهر".
وتابع، "لما جيت مصر واتخرجت من كلية الفنون الجميلة روحت أقدم في المعهد وبسبب رجلي مدخلتش الجيش وكانوا بياخدوا وقتها 10 % من خريجي البكالوريس".