حمدي الميرغني يحتفل بعيد ميلاد إبنته: كل سنه وأنتي أجمل تمارا

شارك الفنان حمدي الميرغني صورة جديدة برفقه عائلته، عبر حسابه الشخصي بموقع التواصل الاجتماعي لتبادل الصور إنستجرام.
يظهر حمدي الميرغني بصحبه زوجته الفنانة إسراء عبد الفتاح، و ابنتهم تمارا، من أخر جلسة تصوير لهم، محتفلين باتمام ابنتهم تمارا العام من عمرها الصغير.
و علق حمدي الميرغني علي الصورة قائلا : " زي انهارده من سنه أتولدت ضحكتنا و فرحتنا و سر سعادتنا ربنا يحفظها و يبارك فيها..سنه كلها عياط و ضحك و دكاترة و شقاوة سنه كلها حنية و حُب منها بلا مقابل أو هدف سنه كلها خوف و قلق عليها سنه كلها كلام بالهمس و هي نايمة و صراخ و دوشة منها و أحنا نايمين كانت أجمل سنه في حياتنا و ان شاء الله كل السنين الجاية أحلي و أجمل بوجودها معانا ربنا يبارك فيها و يبعد عنها كل شر..كل سنه و أنتي حتة مني كل سنه و أنتي نبض قلبي كل سنه و أنتي بنتي و حبيبتي كل سنه و أنتي دلوعة ماما و حبيبة بابا..كل سنه و أنتي أجمل تمارا ".
و أحتفل العديد من نجوم الفن بالتعليق لحمدي الميرغني كالاتي :
كتب الفنان حسن الرداد : " ده انا نجحنا بيها فى المسرح،. ربنا يخليهالكم و تفرحوا بيها إن شاء الله ".
و علق الفنان محمد عبد الرحمان : " كل سنه و هي طيبه تمارا حبيبة عمها و خالها في نفس الوقت و يخلي اولادنا و اولاد الناس يارب ".
و الفنان محمود المغني قال : " ماشاء الله عليكم ربنا يحميها ".
بينما كتب الفنان كريم عفيفي : " كل سنة و هى طيبة و بخير ربنا يخليكو لبعض و تشوفها احسن بنوتة فى الدنيا ".
شارك حمدي الميرغني في الموسم الرمضاني الماضي، بمسلسل "2 في الصندوق" من تأليف لؤي السيد إخراج محمد مصطفى، ويشارك في بطولته عدد من الفنانين ومنهم؛ أوس أوس، صلاح عبد الله، بيومي فؤاد، محمود البزاوي، أحمد عبد الله محمود، نهى عابدين، رحاب الجمل وإبرام سمير.
كما شارك في "فلانتينو" من بطولة عادل إمام ودلال عبدالعزيز وداليا البحيري ومحمد الكيلاني وطارق الإبياري وهدى المفتي ورانيا محمود ياسين ووفاء صادق، ومن إخراج رامي إمام وتأليف أيمن بهجت قمر.