كاملة أبو ذكري: أغلقت حسابي بعد هجومي على أبطال ب 100 وش

قالت المخرجة كاملة أبو ذكري، إن الغرور يضيع موهبة الفنان، مضيفًا: عندما أشعر بأن هناك فنانًا يسعى للتعالي عليا بوقفه عند حده، الواحد لما يثق أوي في نفسه بياخد خطوات غلط، حتى لو كان أهم نجم في مصر مش مطالب منه يكون مغرور.
وتابعت، خلال مداخلة هاتفية ببرنامج "حضرة المواطن" الذي يذاع على قناة الحدث اليوم: "أنا خايفة على مجموعة ب "100 وش" من الغرور، أنا بعتبرهم أولادي رغم وجود فنانين بينهم أكبر مني سنًا، ولكن صفة الغرور دي هتخلي الواحد ميحبش يشتغل معاهم، وهتضيع موهبتهم وعاوزهم يستمروا ويكبروا.
وأضافت: أغلقت حسابي على موقع فيس بوك؛ وحذفت منشوري بعد هجومي على أبطال مسلسل "ب 100 وش"، ومكنتش عارفة إن هيعمل ضجة كبيرة كده.
ومن جانبه، هاجمت كاملة أبو ذكري، أبطال مسلسل "ب100 وش"، عبر حسابها الشخصي موقع فيسبوك، وكتبت: "عرفت وًسمعت وإتأكدت، إن بعض الممثلين المبتدئين من مسلسل ب 100 وش، بعد النجاح الفظيع المريع للمسلسل شافوا نفسهم، والغرور سيطر على تصرفاتهم".
وتابعت: "عايزة أقولكم خسارة، الغرور مقبرة الفنان زي ما قلنا يوسف شاهين، ده إنتم لسه الناس ما تعرفش أساميكم الحقيقية، وبتشاور عليكم بإسم الشخصية اللي قدمتوها، الغرور ممكن يقتلكم، وغرور ليه .. إنتم مين أصلاً، كلنا مين أصلاً، دكتور مجدي يعقوب متواضع ولما تتكلم معاه بيحط راسه في الأرض، مجدي يعقوب بجلالة قدره، وربنا يهدي".