جميلة عوض تكشف كواليس حكاية "لازم أعيش"

علقت الفنانة جميلة عوض على دورها في مسلسل "إلا أنا" والذي تصدر ترند جوجل بعد عرض أولى حلقاته، أمس السبت، حيث لاقت الحلقة ردود أفعال قوية واهتمام من الجمهور.
وقالت الفنانة جميلة عوض، خلال تصريحاتها ل الإعلامية لميس الحديدي، ببرنامج "كلمة أخيرة"، المذاع على قناة "أون"، إن دورها عبارة عن قصة فتاة مصابة بالبهاق من صغرها ومن يصاب به من صغره يتعرض للتنمر طول حياته مقارنة بمن يصاب به في مرحلة عمرية أكبر"، متابعة: "ويعكس المسلسل الحياة الاجتماعية للمصابات بالبهاق وكيفية التعايش معه، فهي نموذج للتحدي والتعايش مع المرض وتحقق ذاتها في عملها".
وأشار إلى أنها قرات كثيراً عن المرض بشكل علمي قبل أداء الدور لكنها إعتمدت في أداء دورها من ناحية المشاعر على مشاهدة مصابات في فيديوهات مختلفة عبرن فيها عن تعايشهن مع المرض وماساتهن، لافتة إلى أنها تلقت رسائل كثيرة من مصابات كثر اصبن بمرض البهاق، قائلة: "جالي رسايل كتيرة من إمبارح من مصابات بالهاق وقالولي نفس المشاعر الي بنحس بيها لما بنبص في المراية".
وأضافت: "الميكب كان تحدي صعب كان يومياً يستغرق سبع ساعات لحنكة الدور وده دور طارق مصطفى والميكب كان صعب جداً لاني بمثل دور فتاة مصابة بالبهاق فطول وقت الاعداد للميكب كان حد ماسك إيدي وحد ماسك وشي عشان يعمله كويس"، مستكملة: "مش عايزة اكون متحيزة في القصة دي بالذات المتعلقة بمرض البهاق لانه " غلس " للطرفين رجال ونساء وأنا بعمل بحث على الانترنت لقيت رجالة في فيديوهات بتعيط على مواقف تعرضوا ليها زي إزاي المدرس مازعقش للطلبة زمايلهم في المدرسة لما تنمروا عليهم بسبب البهاق.. وللاسف رغم ان بقوا رجالة كبار بس لسه المواقف معلقة في اذهانهم منذ وقت المدرسة لكن عامة السيدات يتعرضن للتنمر بشكل أكبر لان الامر متعلق هنا بمعايير الجمال والجمال مرتبط بالست اكتر من الراجل وإزاي هتتجوز؟ وأزاي هتختار الراجل؟ عشان جزء كبير من مقاييس الست هي الجمال".
وأوضحت أن رسالة المسلسل ضد التنمر وضد مقاييس الجمال الخاطئ؛ لأن المعايير نسبية وأي كتالوج إحنا الي عملناه وهخدي مثال على ذلك هي النمش مثلاً كان مشكلة زمان دلوقتي دخل في معايير الموضة وبقى فيه ناس كتير بتعمله في الميكب ليه مانتعاملش مع المرض زي النظارة والنمش؟".
واستكملت: "انا طول عمري كان نفسي احط نظارة وأنا من طفولتي كان نفسي نظري يبقى ضعيف ويجبولي نظارة لاني شايفاها طول الوقت حاجة " كول " وكان نفسي ابقى زي الاطفال الي بيلبسوا نظارة"، مستكملة: "اتعرض عليا أعمال كثيرة وأنا بصور المسلسل الحالي لكن دوري في المسلسل الحالي كان شاق جداً خاصة أني كنت بستغرق في الميكب تقريباً 7 ساعات وكان يوم التصوير 21 ساعة ووصل إلى 24 ساعة فانا جتلي حاجات ملحقتش اقرأها بس هقرأها لما أخلص تصوير بقية المسلسل هقراها وارد على الناس.. للاسف مكنش فيه وقت بس ده اسرع سيناريو وافقت عليه وحبيته واي دور فيه تحدي بجيبني على طول بيبقى عامل زي الطعم".