طمأن عادل مجدي كامل، نجل الفنانة مها أحمد، على حالته الصحية، حيث نشر صورة له وهو يمارس الرياضة، وذلك عبر حسابه الرسمي بموقع الصور انستجرام، وعلق:"جمعة مباركة اللهم صل على سيدنا محمد وعلى آل سيدنا محمد، الحمد الله دائماً وابداً على كل شيء، بعد تعب فترة كبيرة وبعد أوحش احساس حسيته فى حياتى، وبعد أصعب فترة عدت عليا فى حياتى وعمرى مقدر أنساها علشان الفترة دى خلتنى اتعلم حاجات كتيره جداً وخلتنى أعرف مين اللى يستاهل اديلوا عينى ومين اللى مكنش ينفع يبقى موجود فى حياتى أصلاً، الحمد الله إن ده حصل علشان ربنا يخلينى اكتشف حاجات كتير كنت معمى عنها". وأضاف عادل: "الحمد الله على النعمة الكبيرة وهى نعمة الناس اللى بتحبك وبتدعيلك من قلبها، أنا بجد مبسوط اووى من الناس اللى كانت بتكلمنى كل شويه ومن الناس اللى كانت بتبعتلى ومن الناس اللى كانت بتدعيلى وهما أصلاً فى ناس كتيره جداً منهم ميعرفنيش انا بجد مش عارف اشكركم ازاى ولا عارف أقول كلام يوصف قد ايه انتوا ناس طيبة وجدعة وناس قلوبها صافية وبتتمنى الخير لغيرهم، ألف ألف شكر لكل الناس اللى كلمتنى وكانت قلقانه عليا". وأوضح عادل: "أنا الحمد الله بقيت تمام ورجعت أحسن من الأول وطلعت من اللى أنا كنت فيه، ومن النهارده إن شاء الله هنزل التمرين وهرجع أتمرن تانى وأعيش حياتى زى الأول، الحمد الله على الدرس اللى انا اتعلمته فى الفترة دى وإن شاء الله اللى جاى يكون أحسن". وتابع عادل: "ويكون كله ايجابيات ويكون كله نجاح وفرح وسعادة، أحب اشكر كل الناس تانى انتوا على راسى من فوق والله أنا دلوقتى عرفت وبقيت متأكد ان ساعات الغريب عنك بيكون أحسن مليون مرة من أقرب الناس ليك علشان اكتشفت ان الغريب بيفضل زعلان عليك لكن القريب بيزعل عليك شويه و بينسى، المهم مش عايز أطول عليكوا أنا الحمد الله بقيت زى الفل ومن النهارده حياة مختلفة تماماً عن اللى فاتت وحياة أحسن بإذن الله".
View this post on Instagram
جمعه مباركه اللهم صل علي سيدنا محمد و علي آله سيدنا محمد ، الحمد الله دائماً و ابداً علي كل شئ ، بعد تعب فتره كبيره و بعد اوحش احساس حسيته في حياتي و بعد اصعب فتره عدت عليا في حياتي و عمري مقدر انساها علشان الفتره دي خلتني اتعلم حاجات كتيره جداً و خلتني اعرف مين اللي يستاهل اديلوا عيني و مين اللي مكنش ينفع يبقي موجود في حياتي اصلاً ، الحمد الله ان ده حصل علشان ربنا يخليني اكتشف حاجات كتير كنت معمي عنها و الحمد الله علي النعمه الكبيره و هي نعمة الناس اللي بتحبك و بتدعيلك من قلبها انا بجد مبسوط اووي من الناس اللي كانت بتكلمني كل شويه و من الناس اللي كانت بتبعتلي و من الناس اللي كانت بتدعيلي و هما اصلاً في ناس كتيره جداً منهم ميعرفنيش انا بجد مش عارف اشكركم ازاي ولا عارف اقول كلام يوصف قد ايه انتوا ناس طيبة و جدعه و ناس قلوبها صافيه و بتتمني الخير لغيرهم ألف ألف شكر لكل الناس اللي كلمتني و كانت قلقانه عليا ، انا الحمد الله بقيت تمام و رجعت احسن من الاول و طلعت من اللي انا كنت في و من انهارده ان شاء الله هنزل التمرين و هرجع اتمرن تاني و اعيش حياتي زي الاول و الحمد الله علي الدرس اللي انا اتعلمته في الفتره دي و ان شاء الله اللي جاي يكون احسن و يكون كله ايجابيات و يكون كله نجاح و فرح و سعاده ، احب اشكر كل الناس تاني انتوا علي راسي من فوق والله و انا دلوقتي عرفت و بقيت متأكد ان ساعات الغريب عنك بيكون احسن مليون مره من اقرب الناس ليك علشان اكتشفت ان الغريب بيفضل زعلان عليك لكن القريب بيزعل عليك شويه و بينسي ، المهم مش عايز اطول عليكوا انا الحمد الله بقيت زي الفل و من انهارده حياه مختلفه تماماً عن اللي فاتت و حياه احسن بأذن الله A post shared by adelmagdiikamel (@adelmagdiikamel) on Oct 23, 2020 at 7:57am PDT
