رامي جمال يدعم مرضى البهاق: "مش هكست إلا لما يبقى من علامات الجمال"

أطلق الفنان رامي جمال حملة للتوعية بمرض البهاق، مشددا بضرورة التوعية والحديث عن معانات المصابين منه ودعمهم من نظرة المجتمع، موضحا أن المرض غير معدي.
وكتب عبر حسابه بموقع "إنستجرام" قائلا:"«تعالوا كل يوم نعرف حد حاجة عن الموضوع ده.. أولا ده مش مُعدي، وده بيبقى نقص في الخلايا الصبغية، ودة مرض مناعي".
وتابع: "لو اترفضت في شغل بسببه ابعتلي، ونعرَّف الناس اسم المكان اللي مفيهوش إنسانية، لو انتي أو انت اترفضتم من اللي هتتجوزوه بسببه انتم الكسبانين.. ‬اللي يبص على لون جلدك قبل لون قلبك إنسان فاضي ميتعاشرش.. لو فيه مدرسة وأصحابك مش فاهمين ده إيه متزعلش، احنا نعرفهم ده إيه.. المدرسين يعرفوهم ده إيه، وأكيد هيقدروا أن ربنا ميزنا.. البهاق مش مرض.. البهاق ترجمة توتر وقلق وضغط، فياريت كل الناس اللي عندها يبقى عندها الحظ اللي شفته منكم والدعم اللي شفته منكم، من ساعة ما كتبت والتليفزيون مبيتكلمش غير عليا».
وأضاف: «نجوم الحلقات دكاترة جلدية مشكورين عرضوا علاجي، وانا باقول لكم كتير أولى مني بالعلاج المجاني، وشايف ناس بدأت حملات توعية.. آه متأخرين، بس كويس انهم بدأوا، أنا مش هاسكت وهاعمل أغاني وحملات توعية عنه، ومش هاسكت إلا لما يبقى البهاق من علامات الجمال.. انتو طمعتوني بالتحضر والرقي اللي شفته وبقت مسئولية اني أنجح وابقى صوت لكل اللي اتميزوا بيه وادعمهم وأشوف فرحتهم زي ما فرحتوني».
View this post on Instagram
A post shared by Ramy Gamal (@ramygamalmusic) on Nov 13, 2019 at 6:03am PST