إلهام شاهين تتحدث عن خلافها مع الزعيم وترد علي تصريحات أحمد فلوكس

تحدثت الفنانة إلهام شاهين، عن حقيقة غضب الزعيم عادل إمام منها بسبب الجوائز التى حصلت عليها بعد مشاركتها في فيلم "الهلفوت".
وقالت إلهام شاهين خلال الجزء الثاني من لقائها ببرنامج "شيخ العارفين" المذاع علي قناة "المحور": "عادل إمام أكبر من أي جوائز واحنا حبايب لحد النهاردة وباموت فيه وأستاذ الأساتذة".
وأضافت: "عادل إمام أكبر نجم في مصر، جائزة ايه اللى يزعل منها، واشتغلت معاه بعد فيلم "الهلفوت" فيلم "رمضان فوق البركان" وقتها قاللى ليه قبلتي الدور ده وقتها احترمته وحبيته اكتر وأكتر، فأنا قلت له أنا لو قالولى تعالى عدى من قدام الكاميرا علشان عادل إمام هقبل، فقاللى لأ انتى وإمكانياتك قوية وعملتى دور جامد في الهلفوت انما الدور ده عادي".
ولفتت: "بقالى مدة مبكلمش عادل امام لإنه هو مابيردش على التليفونات وآخر مرة قابلته كان زوج ابنته عامل سحور رمضان اللى فات".
وردَّت الفنانة إلهام شاهين على الفنان أحمد فلوكس بعد تصريحه ضدها "أتمنى تجهزي رد لربنا عن القبلات لما تقابليه".
وقالت إلهام شاهين في الجزء الأول من نفس اللقاء: "إنتو بتعطوا أحمد فلوكس أكبر من أهميته ومش هارد على أي فنان".
وتابعت: "أخدت على عاتقي إن أنا محامي الفنانين، ولكن بقول له متربطش الدين بالفن، وقلت له أنا لو عملت واحدة قاتلة هتقول لي ده ضد الدين ولكن أنا مش ههجمه، ومش هوصل لفكرة الفتنة الفنية".
وأكملت إلهام شاهين: "أنا مش عارفة هو ليه بيهاجمني، ويمكن هو عايز يركب التريند لأن الأضواء بعدت شوية، أو يلفت النظر، والغريبة أنهم قالوا لي أنه اعتزل فلما أنت اعتزلت وبقيت بعيد ليه تهاجمني، وقالوا لي أنه نفسيًّا مش مظبط، وبقول له الله يكون في عونك وبيصعب عليا الفنانين، وهو صعبان عليا بجد، ولو تعبان من أي حاجة ربنا معاه".
إلهام شاهين عن هجوم أحمد فلوكس عليها: "صعبان عليا" | فيديو
بطلوع الروح "..إلهام شاهين تعلن الحرب على داعش.. حملات مقاطعة واسعة للمسلسل..واختصاره إلى 15 حلقة
وقالت الفنانة إلهام شاهين في تصريحات سابقة: "الهجوم الذى تعرضت له بسبب أفيش مسلسل "بطلوع الروح" نجاح للعمل قبل عرضه".