وصلة غزل بين غادة عادل وطليقها مجدى الهوارى

ظهر مدى الحب والتفاهم بين الفنانة غادة عادل وطليقها المخرج مجدي الهواري، على الهواء، من خلال لقائهما ببرنامج "بصراحة مع" المذاع على قناة "mbc 1": "عايزين نبقى أصحاب ونسمع بعض ونقعد مع بعض، الطلاق مش نهاية المطاف".
وقال مجدي الهواري:" الطلاق كان فايدة لينا كلنا وبشهادة الأولاد وإلا ما كانش ربنا عمله، ولازم نكمل ونبقى أصدقاء، وممكن الناس تبارك لبعضها في حالة الطلاق لأنه ممكن يبقي خير".
وطلب مجدي الهواري، من طليقته الفنانة غادة عادل، مشاركته فيلم جديد، قائلًا: "أنا عامل فيلم قريب إثارة ونفسي تبقي معانا"، لتبدي الفنانة رغبتها في المشاركة في الفيلم بعد قراءة السيناريو والتعرف على فريق العمل.
وقالت غادة عادل، موجهة حديثها لمجدي الهواري: "أنت ما اتغيرتش ونفس الطيبة والحب، وكنت سعيدة بلقائي معاك"، ليرد طليقها: "أنتِ لسه بتفكريني بالذكريات الحلوة".
كلام مؤثر من مجدي الهواري
وسألت غادة عادل، مجدي الهواري: "نفسك في إيه حالًا؟"، ليرد: "نفسي أفرح أكتر من زمان يمكن أنسى إني كنت كل حاجة في قلب هان، قلبي عنوان لحبك وأنتِ غيرتي المكان، نسيتي اللي كان بس أنا تمام.. إيه رأيك أعزمك على عشاء؟ لتتجاوب الفنانة قائلة: "والله بتمنى لك السعادة من كل قلبي يلا بينا نتعشا".