خطفت الفنانة رانيا يوسف التريند بعد تصريحاتها الجريئة اثناء حلولها كضيفة على حلقة من برنامج "في البوكس" المذاع عبر قناة Gossips بموقع يوتيوب، وكشفت من خلال إجاباتها على مجموعة متنوعة من الأسئلة جوانب من شخصيتها وحياتها. وقالت رانيا يوسف أنها سريعة البكاء عندما يحصل مكروه لشخص مقرب منها:" أنا لما أضحك بعيط ودموعي سريعة جدا، لما حد قريب مني تحصل له حاجة وحشة". واضافت أن أقصى عقاب منها لبناتها إنها تقاطعهم نصف يوم وترفض الإجابة على التليفون، مضيفة أنهم اطلقوا عليا لقب "باربى" فى المدرسة لأنها كانت رياضية ومقاييس جسمها متناسقة، وكانت "نمبر وان" في مسابقات الجمال واضافت: ضربت شعري أصفر في الجامعة مش في المدرسة، وأتمنى ربنا يديني الصحة مع العمر. الصحة والعمر والستر والرزق، الأربعة مع بعض والنبي يا رب، ومقرفتش من الرجالة، لكن على رأي مدام فيفي عبده I don't have time واشارت: علمت بناتي ميكذبوش أبدا، ويركزوا في مستقبلهم، وميتجوزوش قبل سن 30 سنة عشان ميشيلوش مسؤوليات بدرى، و بحب لقب صاروخ السينما لحد دلوقتي، وبحب ألبس مايوهات وشورتات ولبس خفيف، ومبحبش آكل كتير، والشتا عكس كل ده واكدت أن فيروز تذكرها دائما بالشتا، وأكتر وزن وصلت له 69 كيلو، وتحب أسبانيا جدا، لأنها بلد قريبة وياكلوا أكل "سبايسي" ودمهم خفيف، وفيهم روح عربية، "مفكوكين وشعب مش أوروبي قوي، ولغتهم حلوة" وقالت: أصحابي كلهم متجوزين وطبيعي يحقدوا عليا عشان مش متجوزة، و ممكن لاننى مشهورة، وساعات بقول آراء صحابي يخافوا يقولوها، وعشان أجرأ منهم في اللبس، وممكن أسمع الانتقاد لو بأسلوب لطيف وهادي وأشارت: مبحبش التليفون وبستخدم الموبايل عشان أطمن على بناتي وأبويا وأمي وعشان شغلي، و بحب اللون الأحمر عشان أنا أهلاوية، و إتعلمت من فترة مخدش رد فعل سريع في أي مشكلة، ممكن أعمل رد فعل بعد 6 شهور واضافت: بحب الأكل البيتي جدا، محشي وفراخ وملوخية، ومليش في الأرقام خالص، أنا حمارة في الأرقام، وحاجة محدش يعرفها عن أسماء أبو اليزيد؟ عندها هاجس لازم تتخس، مع إن مواصفات جسمها هايلة يذكر أن رانيا يوسف تستكمل تصوير مشاهدها في مسلسل "المماليك"، ومن المقرر عرضه خلال الفترة المقبلة عبر شاشة قناة النهار، ويشارك في بطولته كوكبة من النجوم بجانب رانيا يوسف منهم محمد لطفي وبيومي فؤاد وعائشة عثمان و رامي وحيد ومحمد سليمان وفيدرا ودوللي شاهين وعمر حسن يوسف، تأليف هشام هلال، وإنتاج إيهاب منير، وإخراج حازم فودة.
