باروكة وبوتوكس.. إسعاد يونس تكشف تغيرات فى حياتها خلال الفترة الماضية

قالت الفنانة اسعاد يونس، أنها سعيدة بالمشاركة في فيلم "عمارة يعقوبيان" مع الزعيم عادل إمام، وأنها غيرت من شكلها في العمل، والعمل كان مخصص لفنانة ثانية.
وأضافت خلال الجزء الثاني من لقائها ببرنامج "سهرانين" الذي يقدمه الفنان أمير كرارة بقناة "أون إي":"مكنتش همثل دور "دولت الدسوقي" مع عادل امام في فيلم "عمارة يعقوبيان" لأنه كنت مسئولة عن توزيع العمل ومبطلة تمثيل، والدور كان شرس وفيه نجمات كتير رفضوه، فقالولي مفيش حل لازم تعملى الدوري فعملت بوتوكس مخصوص علشان الدور وقلت للدكتور ارفعلي حواجبي لرأسي وعملت الدور".
وتابعت:"لما دخلت علي عادل إمام بعد البوتوكس وحواجبي المرفوعة قاللى عاملة كده ليه واستغرب من شكلي، ولكن عملت أول مشهد وأنا بدخل عليه هو وهند صبري وهو بيضربني بالشبشب والمشهد اللى بطرده فيه الناس زعلت مني لأني زقيته وكنت خايفة أخسر كراهية الناس ولكن الدور عايز كده وهو كان بيخاف مني في التصوير".
وأكدت خلال اللقاء عن ارتداءها باروكة أثناء تصوير برنامجها "صاحبة السعادة" قائلة:"والله العظيم 8 سنين بعمل برنامج "صاحبة السعادة" مبلبسش باروكة ولكن إحقاقًا للحق الشهر اللى فات اضطريت ألبس باروكة 3 أو 4 مرات في التصوير لأني فجأة لقيت شعرى بيكر بشكل فظيع، لكن أنا 8 سنين طالع عليا إشاعة إنى بلبسها وده مش حقيقي".
وتابعت إسعاد يونس:"أنا حاليا مش لابسة باروكة"، ليعلق أمير كرارة ساخرًا:"بس إنتى مثبتاها حلو"، لتعقب الفنانة:"قوم شده واعرف".
واختبر الفنان أمير كرارة، شعر رأس الفنانة إسعاد يونس على الهواء ليتأكد أنها لا ترتدي الباروكة.
وحلت الفنانة إسعاد يونس ضيفة على أولى حلقات الموسم الجديد من برنامج سهرانين مساء أمس الأربعاء، والذي يقدمه الفنان أمير كرارة على قناة On E، حيث كشفت إسعاد يونس العديد من التفاصيل عن حياتها الشخصية كما تطرقت إلى الحياة الفنية