خناقات المطربين على واحدة ونص.. رضا البحراوي يصف شاكوش ب"مطرب فلاشة" والآخر يرد "بلاش افيهات التكاتك"

علق المطرب الشعبي رضا البحراوي، على هجوم مطرب المهرجانات حسن شاكوش، عليه بسبب مشاجرتهما الأخيرة في أحد الحفلات بالساحل الشمالي.
وقال رضا البحراوي في بث مباشر جديد عبر صفحته الرسمية بموق التواصل الاجتماعي فيس بوك: «حسن شاكوش طالع يتكلم دلوقتي يقول أنا عندي كام مليار واليوتيوب وأنت ملكش أغاني، طيب أنا من سنة 2000 يا حسن، وكنت عامل شريط صغير مع عماد محرم، وقايل أغاني أنت متعرفش تقولها، 2005 عملت أغنية مع عبد السلام وشرف لي أن الفنان حكيم غناها».
واستكمل رضا البحراوي: «سبب نجاحي ربنا والجمهور، وأنت بتقول أنك نجم منرفز نفسك ليه أوي كده، شاغل دماغك بيا ليه، بنت الجيران نجاحك مش لوحدك لأن معاك عمر كمال، أنت مش سالك وأنا مش شاغل بالي بيك أصلا، أنا قاعد مع الحمام في غيتي، أنت نجاحك بحد تاني مش لوحدك وبرغم ذلك مذكرتش حد فيهم».
وأضاف المطرب الشعبي: «بغني لناس متعرفش تغني لهم، أنا بطلع أغني حي، مبحطش فلاشة وأحرك شفايفي بس، وأنا معايا 40 واحد في الفرقة، أنت عملت 3 أغاني يوتيوب يعني لو قعدت في بيتك مع ال3 أغاني دول هتصرف عادي، ولكن متعرفش تغني تتر بداية أو نهاية مسلسل أو تغني دراما، بشوفك بس بفلاشة».
وفي سياق متصل، هاجم حسن شاكوش هو الآخر، المطرب الشعبي رضا البحراوي في لايف نشره عبر فيس بوك، وقال: «أنا مش بطلع أغني أغاني حد، أنت مش ليك أغاني ولا عندك سي في، لإن الأغاني اللي بتغنيها مش بتاعتك، وإحنا جينا على نجاح مش على البايظ، ولو شوفت الأرقام بتاعتي هتتخض، أنا غنيت مع نجوم كبار زي أحمد سعد، ومش عايز أغني مع حد تاني».
وتابع شاكوش «أعمل شغل من دماغك.. وبلاش إفيهات التكاتك والميكروباصات»