عبد الله رشدي ل حلا شيحة بعد إعلان توبتها عن التمثيل: توبتك مش مقبولة

دافع الداعية الإسلامي عبد الله رشدي عن الفنانة حلا شيحة بعد إعلان توبتها وتبرؤها من الفن، من خلال مقطع فيديو بعنوان "توبتك مرفوضة".
وقال عبد الله رشدي: "الناس بتنفر من يريد الرجوع إلى الله، الناس دي مش فاكرة إن هناك يوم قيامة ويوم حساب.. الناس اللي بتنفر أو تتريق عليهم ويحبطوا عزيمتهم، هتقولوا لربنا إيه، كلنا عارفين الفنانة حلا شيحة بلاش تكون شغلتنا أن اللي يقرب من ربنا نوقفه انت لا عملت الواجب وتبت ولا سبت غيرك يتوب يعني".
وتابع رشدي: "والرجالة اللي بيتريقوا ليه نسف على الناس.. معز مسعود نموذج وقدوة الشباب هتقلده لأن الرجل قدر وكان قادر ياخد بأيد فنانة وأخرى، وأن يكون له تأثير، اللي احنا فيه ده حرب أفكار وايدولوجيات".
وأثارت الفنانة حلا شيحة حالة من الجدل في الوسط الفني بعد تبرؤها من التمثيل وهجومها على الفنان تامر حسني بسبب المشاهد الرومانسية التي تجمعهما في أغنية "بحبك" التي طرحها نجم الجيل عبر قناته على موقع يوتيوب.
وقالت حلا في رسالتها: "أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصا بعد آخر بوست نزلته ووضحت فيه أنا ايه، واتفاجئت اكتر خصوصا بعد وعد تامر حسني ليا وتأكيده أنه حيحترم رغبتي وبعض الطلبات اللي طلبتها منه بكل احترام وود الصيف اللي فات وأكدلي أنه حيحترم رغبتي".
وأضافت "شيحة": "احنا يمكن نجحنا بمقاييس الدنيا بس صدقوني بمقاييس ربنا إحنا لم ولن ننجح.. انا عارفة ومتأكدة إن زملائي جواهم خير بس للأسف فتنة الشهرة والنجاح مش بيخلينا نشوف ونقيس الأمور صح، بتكلم من قلبي الكليب ده ميرضيش ربنا، وأنا عيطت لأني شفت نفسي في المشاهد دي".
يذكر أن فيلم "مش أنا" بطولة تامر حسني وحلا شيحه وماجد الكدواني وحجاج عبد العظيم وسوسن بدر ومحمد عبد الرحمن، ومن إخراج سارة وفيق.