الأبطال طفشوا .. أحمد السعدني ينسحب من مسلسل "كله بالحب" بسبب زينة

اثار الفنان أحمد السعدني، جدلًا واسعًا خلال الساعات الماضية بعد قراره الانسحاب من مسلسل "كله بالحب" بسبب النجمة زينة، والمقرر عرضه في دراما رمضان القادم، حيث فاجأ «السعدني» اليوم متابعيه وجمهوره بمنشور لاذع عبر حسابه ب«فيس بوك»، وصف فيه كواليس ما يجرى في العمل بالمهزلة.
وكتب أحمد السعدني، عبر حسابه بموقع التواصل الاجتماعي «فيس بوك» قائلًا: الحقيقة أنا عمري ما عملت مشكلة في شغلي وعمري ما اختلفت مع زمايلي، إنما أنا اللي بيحصل معايا في المسلسل اللي شغال فيه 24 ساعة مبروحش بيتنا عشان يلحق العرض والواحد ساكت و بيعدي بلاوي عشان الزنقة والظروف.
وتابع: أنا متربي في ستوديوهات، كبرنا أنا واللي زيي اللي كان بيتقال عليهم أبناء الفنانين كأنها شتيمة على احترام مهنتنا ومواعيدنا ومذاكرتنا وتحضيرنا للشغل، احترامنا للكلمة قبل العقد.
واستطرد أحمد السعدني «للأسف شركة الإنتاج ملتزمتش معايا باتفاقهم اللي على أساسه وافقت اشتغل، وكان شرط أساسي لقبولي الشغل معاهم والحقيقة أول مرة أشوف تصميم دعاية عمل فني من أفيشات و برومو بتعمله زميلة في العمل، طول عمري كنت فاكرها من اختصاص شركة الإنتاج».
وأضاف بقوله «الحقيقة أنا ضهري في الحيط أكمل وأقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب ولا أقعد في بيتنا واكتفي باللي صورته وأطلب من النقابة تجيبلي حقوقي المادية وفي كل الأحوال أنا باعتذر لأي شخص بيحبني عن تواجدي في هذا العمل لأن الحقيقة اللي بيحصل ده مهزلة».
مسلسل «بالحب كله» كان يحمل اسم «زي البيت الوقف» بطولة زينة، أحمد السعدني، هالة فاخر، صابرين، مصطفى درويش، محسن منصور، تأليف ورشة أحمد الشخيبي، إنتاج شركة سكيرمو ميديا.