الشيشيني بعد الفوز على إنبي : مباراة اليوم صفحة واتقفلت.. والكل طمعان في اسوان

تحدث سامى الشيشينى المدير الفنى لفريق الكرة الأول لنادى أسوان، عن سعادته بعد حصد أول ثلاث نقاط فى الدورى مع أسوان فى الاختبار الأول له بشكل رسمى مع الفريق، وذلك خلال تصريحات لقناة "أون تايم سبورت" عقب المباراة.
حيث قال "كرم من عند ربنا انى أحصد النقاط الثلاثة لسه مجمعين الفريق فى 25 يوم، حوالى 25 لاعب، أغلبهم مكانش بيلعب مع فريقه، وكل الأندية طمعانة فينا، واشتغلنا فى حدود إمكانياتنا اشتغلنا على تضييق المساحات مع إنبى وحسم الهدف وتغلبنا على واحد من أفضل المدربين فى الدورى، وتغيير هيثم كان كرم من ربنا وأحيى اللاعبين والجهاز الفنى ومجلس الإدارة ربنا كرمنا بثلاث نقاط نبنى عليهم فى المرحلة المقبلة".
وتابع: "كان فى لاعيبة لازم تتباع عشان نقدر نكمل، لم يتبقى معنا سوى 8 لاعبين واشتغلنا عليهم وضمينا صفقات جديدة، المباراة القادمة مع الطلائع ومش هريح عندى ماتش ودى بكرة مع الانتاج، لازم تبقى مأهل كل اللاعيبة اللى عندك لأن ممكن فى ثانية تتفاجئ بإصابات كورونا أو يجيلك إجهاد، شغلى كله لازم احترم الخصم."
واتم: مباراة اليوم صفحة واتقفلت ولازم اشتغل كأنهم مش موجودين من بداية الموسم كل الفرق طمعانة فى أسوان.