بعد تصريحاته المثيرة للجدل.. نجوم الفن ينقسمون بين مؤيد ومعارض ليوسف الشريف

أثار الفنان يوسف الشريف حالة من الجدل الواسع بعد تصريحاته عن وضعه شروط وتحفظات على المشاهد الساخنة أو الجريئة في الأعمال التي يقدمها.
حيث قال الشريف خلال استضافته في برنامج "مساء دي إم سي" مع الإعلامي رامي رضوان، أنه وضع شروط على المشاهد الساخنة أو مشاهد القبلات منذ نحو عشر سنوات، موضحاً أن البداية كان الإتفاق مع صناع العمل بصورة شفوية، ولكن بعد حدوث بعض الاعتراضات أثناء التصوير، قرر أن يكون الإتفاق المبرم مكتوب في العقد.
هذه التصريحات آثارت جدلاً واسعاً علي مواقع التواصل الاجتماعي المختلفة، وأنقسم رواد رواد السوشيال ميديا بين مؤيد ومعارض فالبعض يرى أن له كامل الحرية في اختيارته والبعض يرى أنه مبالغ فهو فنان وعليه أن يجسد جميع الأدوار، نفس الحال بالنسبة لنجوم الفن أنقسموا لمؤيد ومعارض وهذا ما ستتحدث عنه "الموجز" خلال السطور المقبلة.
البداية مع الفنان هشام ماجد الذي أعلن دعمه الكامل للفنان يوسف الشريف، قائلاً: "في بعض الناس سواء شغالين في المجال الفني أو صحفيين أو ناس عادية استغلوا الكلام اللي قالوا يوسف الشريف في برنامجه مع رامي رضوان وابتدوا يهاجموه، وقاموا ناشرين حاجات لأفلام قديمة عملها عشان يثبتوا إنه كان بيعمل الحاجات دي عادي إنه يعني كدة بيدعي الفضيلة وكده".
وأضاف: "كل الإحترام ليوسف الشريف فنان راقي ومحترم بيتعب على شغله وبيحترم جمهوره وكل الإحترام لأي حد متفق أو مختلف مع كلامه بس باحترام وكل واحد له الحرية في أفكاره طالما بيحترم اللي حوليه ومبيأذيش حد مش عجبك كلامه تقدر ماتتفرجش على أعماله أو تقدر متشغلوش إنما تطلع تقطع وتشوه فيه بحجة إنك المحامي المدافع عن حق الفن وحرية الإبداع تبقي شخص ناقص".
وأعربت الفنانة أيتن عامر عن إندهاشها من مهاجمة يوسف الشريف قائلة: "بصراحة متضايقتش خالص من إنترفيو يوسف الشريف وبصراحة مش فاهمة الدوشة دي كلها ليه، أنت حر ما لم تضر، بس كده، وما أعتقدش أنه ضر حد بقناعاته، شابوه يا عم".
اقرأ أيضاً
* بالسب والحب.. هكذا يتعامل نجوم الفن مع من يسخر منهم
* جسد فيها مشاهد ساخنة.. قصة 3 أفلام يخجل منها يوسف الشريف
* ناهد السباعي تدعم يوسف الشريف بعد رفضه ملامسة الفنانات: حرية شخصية
* محمد أنور يدافع عن يوسف الشريف: بيخاف ربنا
* بالصورة.. هنا الزاهد تكشف عن لوك شخصيتها في فيلم "الغسالة"
* "كذبوا الكذبه وصدقوها"..الرد الأول من يوسف الشريف على تصريحات عدم ملامسة النساء
* أحمد حلمي رسب مرتين وكريم فهمي نجح ب 100٪.. حكايات نجوم الفن مع شبح الثانوية العامة
* "عدو المرآة".. نكشف أسباب خوف يوسف الشريف من النساء
* بالفيديو.. يوسف الشريف يكشف حقيقة تقديم جزء ثاني من مسلسل "النهاية"
* "بدون مكياچ".. هنا الزاهد تخطف أنظار الجمهور في أحدث ظهور لها
* المذيعة والرئيس.. حكاية همت مصطفى "أم المذيعات" التي وقع السادات في غرامها
* أحمد حاتم ضيف شرف "حظر تجول" أمام إلهام شاهين
وأنضمت الفنانة ناهد السباعي لمؤيدي يوسف الشريف قائلة: "هو ليه الناس بتطالب بالحرية الجنسية للشواذ وتنتقد راجل رافض المشاهد الساخنة لأسبابه الخاصة دي حريه شخصية.د ودي حريه شخصية مش عجبك متتفرجش عليه ومتشتغلش معاه وفي الاخر شابوه يوسف الشريف".
كما أنتقدت الفنانة هنا الزاهد جميع التعليقات السلبية التي وجهت ليوسف الشريف، حيث قالت: "يوسف الشريف من أكتر الناس المحترمة اللي اشتغلت معاهم".
كما دعم الفنان كريم فهمي الفنان يوسف الشريف من خلال حسابه الرسمي عبر موقع الصور الشهير "انستجرام" قائلاً: "الراجل ده أنا بحبه وبحترمه في العموم مخلص ومجتهد وحر في رأيه ويحترم.
كما شن الفنان محمد أنور هجومًا علي منتقدي يوسف الشريف، حيث قال: "إيه كل الهري والكلام الفاضي وقلة الأدب اللي حصلت دي، الراجل قال إنه عنده مبدأ ضد المشاهد الساخنة والبوس والكلام ده لأنه بيخاف ربنا ومش عاوز يغضبه وهو شغال بالمبدأ بقاله أكتر من عشر سنين وناجح بيه وربنا كارمه من وسع كمان وأنه هو مش ضد اللي بيعمل عكس كده ولا شايف نفسه أكتر احتراما من حد".
وأضاف: "كل الناس شايفاه رجعي ومتخلف ومش فنان وناس قالو ده إخوان وناس قالت طب روح حجب مراتك الأول وبعدين اتكلم وناس طلعتله مشاهد من أعمال قديمة وهو بيحضن فيها وقالوا أيام ما كان بيحب التلامس وكمية قلة أدب في موضوع الراجل طرحه بكل احترام وقال إنه فيه ممثليين كتير زيه أصلا مش بيحبوا يعملوا ده أو ندموا أصلا على أعمال هما قدموها في البداية وبعدين شافوا أنه ما ينفعش أنه يعمل كده تاني، على فكرة بقى هو صح والله".
لكن أختلف الأمر بالنسبة للفنان خالد سرحان الذي رأي أن تصريحات يوسف الشريف تسئ لباقي النجوم، حيث كتب قائلاً: "مش إنت بس اللي محترم، أعترض على تصريح الزميل المحترم حاجة زي دي خليها بينك وبين نفسك، لأن ممكن جدًا تسيئ لزملائك، وتتفهم بكذا معنى، وممكن تبان أنه تصريح الهدف منه الإثارة إنت فنان أكبر من كده بكتير المفروض ميفوتكش الحاجات دي، وزملائك محترمين على فكرة مش إنت بس المحترم".
هذا بالإضافة إلى المخرج مجدي أحمد الذي أنتقد تصريحات يوسف الشريف، قائلاً: "مكنتش عايز اتكلم في الموضوع لكن استفزني الكلام عن حرية الرأي والتعبير ايه أنت ممثل جزء من عمل فنى له قواعد وأسس أهمها أنه التمثيل مش واقع وإنما حاله للتأثير في مشاهد الكلام كده بقه شبه كلام المشايخ اللي قالوا إن الجواز السينمائي جواز صحيح شرعا".
وأضاف: "وبعدين أنت ممثل خاضع لشروط العمل الفني ليس من حقك فرض شروط من خارجه إذا كان من حقك أصلاً أن تتدخل في عمل من صلب مهنة المؤلف والمخرج مبدعي العمل الأصليين".