تعرف علي رأي لقاء الخميسي في منع أغاني المهرجانات

حرصت الفنانة لقاء الخميسي، أن تكشف عن رأيها في أزمة أغاني المهرجانات وذلك بعد قرار نقابة المهن الموسيقية، بمنع احياء مطربى المهرجانات لحفلات، وبيان نقيب الموسيقيين هاني شاكر، الذي أرسل من خلاله تنبيها على كل المنشآت السياحية والبواخر النيلية والملاهى الليلية والكافيهات بعدم التعامل مع مطربي المهرجانات.
حيث كتبت قائلة: "أول مره أتكلم وأقول رأيى المتواضع فى أى حاجه بتحصل .. الدنيا قايمة على موضوع شاكوش والأغنية والحفلة اللي ف الاستاد وعيد الحب، انا مش مع وقف مغنى خد تصريح قبل كدا من الرقابة وبيقدم لون شعبي وليه جمهور عريض .. بالعكس انا مع احتضانه والاتفاق معاه بإنه يختار كلمات الاغنيه بعنايه طالما انا عندى يقين انه ممكن يفيد البلد في تقويم الجمهور .. قصدي نلعبها بصياعة ويبقى بيقدم فنه بس بكلام متنقى وشعبي وسهل برده".
وأضافت "اتنين بق الاستاد دا مكان مهم جداً حرم كروى اذن أى حفله بتتقدم فيه لازم تبقى على قدر وضعه لأنه كمان الحفلة بتتعرض على الهوا وانا مش شايفة من رأيى ان الحفلة اساساً مكانها الاستاد بس اذا افترضنا ان مافيش غيره يبقى لازم ننتقى المغنيين والفنانين بقى حفلة معروضه ع الهوا لشعب كامل يبقى انا اللى اختار واجهة للعالم وللشعب".
وأختتمت حديثها: "مغني مصري ناجح في بلده وناجح عالميا مش مغني مهرجانات لانه دا لون من الوان الغنا لكنه مش واجهة الفن المصري الأصيل اللي اترسمله شخصيه من سنين السنين فكرة الاختيار والتوقيت والمكان هو دا الصح لكن تمنع مغنى ليه جمهور يغني انا مش شايفه ان دا حل الحل هو الاحتضان وانه يتوجه صح طالما ليه جمهور عريض وممكن نستفيد منه شكرا"