بمناسبة بدء تقويمها..تعرف علي حكايات شهور السنة القبطية في الأمثلة الشعبية

قالت مريم عادل باحثة في التاريخ المصري جامعة جنوب كاليفورنيا، إن أول سنة عرفها البشر كانت من مصر وأول من عرف مفهوم الزمن و الوقت
و اليوم و الشهر و الساعة كانوا مصريين.
وأوضحت التقويم القبطي أو التوتي المصري لأنه يبدأ بشهر 'توت "و هو صفة العلم و المعرفة و الحساب و الحكمة عند المصريين و على اسمه سمي أول شهور السنة المصرية .
وأشارت مريم عادل إلي أن المصريين اطلقوا أمثال شعبية تعبر عن شهور السنة القبطية وهي كالتالي:
-توت : 11 سبتمبر – 10 اكتوبر
توت يقول للحر موت (كناية عن نهاية فصل الصيف)
– بابه: 11 اكتوبر – 9 نوفمبر
بابة ادخل واقفل البوابة ..( بدايات البرد )
إن صح زرع بابه يغلب النهابة (الخير الوفير)
– هاتور: 10 نوفمبر – 9 ديسمبر
هاتور أبو الذهب المنثور ( الدهب المنتور كناية عن زراعة حبوب القمح )
– كياك: 10 ديسمبر – 8 يناير
كيهك صباحك مساك,تقوم من فطورك تحضر عشاك (اقصر ايام العام )
– طوبه: 9 يناير – 7 فبراير
طوبه يخلى الشابه كركوبة
الاسم لطوبة والفعل لأمشير
طوبه ماتبلش ولا عرقوبة .. (كناية عن شدة البرد بدون مطر)
– امشير: 8 فبراير – 10 مارس
امشير أبو الزعابيب الكتير ياخد العجوزة ويطير (شدة العواصف)
امشير يخللى الزرع يسير (نمو القمح والبرسيم والفول وغيرهم)
– برمهات: 10 مارس – 8 أبريل
برمهات روح الغيط وهات4
– بارموده: 9 ابريل – 8 مايو
فى بارموده دق العمودة (كناية عن حصاد القمح والشعير العمودة يعنى المظلة عشان الحر والشمس)
-بشنس: 9 مايو – 7 يونيه
بشنس يكنس الغيط كنس ( نهاية موسم حصاد القمح وتنضيف الغيط للزرعة التالية)
-بؤونه: 8 يونيه – 7 يوليه
بؤونه أبو الحراره الملعونه5
شهر بؤونة يفلق الحجر ( كناية عن شدة الحر
-ابيب: 8 يوليه – 9 اغسطس
فى ابيب يفور النيل
أبيب فيه العنب يطيب
أبيب مية النيل فيه تريب ( موسم العنب والزبيب وبدايات الفيضان)
– مسرى: 7 أغسطس – 5 سبتمبر
مسرى تجرى فيه كل ترعة عسرة
عنب مسرى إن فاتك متلقاش ولا كسرة
( الفيضان بيجرى المية فى كل الترع)
* خير مصر على مدار السنة:
ماشوفتش زى ما فى مصر من مايّة طوبة، ولبن أمشير، وخروب برمهات، وورد برمودة، ونبق بشنس، وتين بؤونة، وعسل أبيب، وعنب مسرى، ورطب توت، ورمان بابة، وموز هاتور، وسمك كيهك.
واختتمت مريم عادل حديثها قائله"أول يوم من ايام السنة المصرية القديمة 6261 ..كل سنة ومصر كلها بخير".