بالأرقام.. الرئيس يكشف تكلفة الفصول المطلوبة لاستيعاب تلاميذ المدارس

قال الرئيس عبدالفتاح السيسي، إن الدولة لن تستطيع وحدها القيام بالنهوض بالمناطق الأكثر فقرًا، مشيرا إلى أن حجم الفصول المطلوبة فى مصر يصل إلى 250 ألف فصل دراسى بتكلفة 125 مليار جنيه.
وأضاف الرئيس خلال كلمته بالمؤتمر الأول لمبادرة "حياة كريمة"، ضمن فعاليات مؤتمر الشباب فى نسخته السابعة بالعاصمة الإدارية، اليوم، الأربعاء، "مش هنهرب من تحدياتنا إحنا محتاجين علشان نحقق كثافة معينة 250 ألف فصل بتكلفة 125 مليار جنيه لإنشاء الفصول فقط، معقبا:"طيب هيشتغلوا بكام؟".
وأكمل الرئيس: قلتلكم من 5 سنين عاوز فى صندوق تحيا مصر رقم كبير أقدر استفيد منه بعيدا عن موازنة الدولة المثقلة بأعباء كثيرة، علشان نقدر نحل مسائل لا تتوافر لها الأموال اللازمة لتغطيتها".
وعن قضية الزيادة السكانية، قال الرئيس إن مسؤولية الأسرة لا تتمثل فقط فى توفير المآكل والمشرب بل توفير الرعاية الكاملة للأبناء، مضيفًا: "لما أكون فى بيت ظروفه صعبة هل من المناسب أن يكون عدد الأبناء فوق طاقتى، طيب هنعمل فيه إيه؟، ولما نتكلم فى النقطة دى يقولك اعملوا تشريعات وإجراءات حازمة فيما يخص النمو السكانى، ولو أى إنسان يتصور إن الفكرة إنك تأكل وتشرب "لا لا لا".. إنت بتختزل العلاقة بينك وبين أبناءك بشكل لا يليق، إذا كنت تتصور إن كل هدفك إنك تأكل وتشرب وإن أكلت وشربت تبقى علمت اللى عليك .."لا والله" القضية مش أكل وشرب بس".
وتابع الرئيس: "العدد ده هيتعلم إزاى وهايبقى ليه بيت بعد كده إزاى؟، بنبذل جهد كبير علشان نجرى ونسبق ظروفنا الصعبة، ولكن إن مكنش تساعدونا كلكم.. اللى قادر واللى يقدر يساهم وأهالينا فى كل حتة، ده تحدٍ كبير ودول مسلمة وكبيرة استطاعت التغلب على هذه المشكلة وحلت المسألة من غير قوانين ولا حاجة والشعوب تفهمت وعرفوا إنهم مش هايقدروا يمشوا بالطريقة دى".