خالد الجندي للجماعة الإرهابية: "أنا مش مطبلاتى"

تهكم الشيخ خالد الجندى، عضو المجلس الأعلى للشئون الإسلامية، على الهجوم الذى تعرض له، من قبل الجماعات الإرهابية، لمهاجمته قطر، قائلا: "بتقولوا على شيخ السلطان، أومال ابقى شيخ مين إسرائيل، أنتوا مجرد أسرى هربتم من بلدكم، وقاعدين فى دولة بترعاكم، وعاملين دكورة وبتتكلموا".
وتابع الجندى، خلال حلقة برنامجه "لعلهم يفقهون"، المذاع على فضائية "dmc"، اليوم الاثنين: "أنا فى الحلقة هاجمت كل الحكام العرب، وقولت رأيى براحتى، ولا حد كلمنى، ودايما بنتقد وناس كتير بتقول رأيها طالما فى حدود الأدب والقانون، مفيش مشكلة، لو أنتم رجالة كنتم تقعدوا فى بلدكم وتقولوا رأيكم، لكن الحكاية إنكم بتقبضوا، أنا مش مطبلاتى، أنتم اللى بعتم بلدكم وبتحرضوا على جيش وشرطة بلدكم".