نشرت المطربة شيرين بياناً توضح فيه تراجعها فيه قرار اعتزالها. وجاء بيان "شيرين" كالتالي: "أحيانا بنتعرض لضغوط أكبر من طاقتنا، الفترة اللي فاتت كانت صعبة عليا جداً لظروف شخصية وضغط شغل لفترة طويلة، وهجوم إعلامي غير مبرر، وإحساسي بانشغالى في العمل وتأثيره على بناتي وأسرتي". وأضافت: "عارفة إن الخبر كان صادم للكاره والمحب ليا، بس أنا كنت حاسة إنه الابتعاد هو الحل في اللحظة دي، لحظة حسيت فيها بتعب حد من عيلتي، وحسيت إن الدنيا مش مستاهلة وإن كل لحظة بعيدة عن اللي بحبهم هي لحظة ضايعة من عمري". تابعت: "آسفة على القلق اللي سببتهولكم، بس صدقوني، مشاعركم هي اللي خلتني أراجع نفسي وحبكم هو اللي حسسني إن صوتي مش ملكي وإن الفن مالوش علاقة بضغوطات عليا، أما عن رجوعي، فأنا برتب بس بعض الحاجات وبعمل ترتيبات". واختتمت بيانها قائلة: "أحب أشكر كل من ساعدني إني أتخطى محنتي من جمهوري وفنانين وإعلام مصري وعربي نزيه، لا يفبرك ولا يشمت ولا يشخصن الأمور أو يستنتج سيناريوهات، هابعد لفترة إجازة مع عيلتي وبعدها إن شاء لله أعود تاني للعمل مرة أخرى، شكرا لمن ساندني، وسامحت من ضايقني".
