رامي صبري يطرح أغنية "ولسة ياما" عبر "يوتيوب"

طرح الفنان رامي صبري أحدث أغانيه بعنوان "ولسة ياما" عبر قناه الرسمية على "يوتيوب" وهي أغنية تحمل الطابع الدرامي ومختلفة اختلاف جذري عن أغنية "أنتي جنان" التي طرحها من فترة.
تفاصيل الاغنيه
الأغنية من كلمات تامر حسين وألحان عزيز الشافعي وميكس ماستر أسامة الهادي.
كلمات الأغنية
ولسه ياما هنودع ونتودع ونتعذب من الأشواق
ماهي الدنيا دي من يومها يابتجمع يابتفرق
ما بين عشاق
حياتنا عبارة عن قصة بتتسمى لقى وفراق
والليالي إلى ياما فرحتنا هي هي إلى بتروح من حياتنا
مين يصدق يا حبيبي بعد شوقنا
وحكايتنا افترقنا واكتفينا بذكرياتنا
ولسه ياما هنودع ونتودع ونتعذب من الأشواق
ماهي الدنيا من يومها يا بتجمع يا بتفرق
ما بين عشاق
حياتنا عبارة عن قصة بتتسمى لقى وفراق
حبيبي عنيا بتدمع وانا بسمع
رسايل بينا ليها سنين
بقت مقدرش اكملها ياريت ترجع
ياريت ترجع سايبني لمين
مبتخليش انا وانت نعيش بكرة لناس تانين

رامي صبري يروج ل أغنية "لسه ياما"
روج الفنان رامي صبري ل الأغنية من خلال حسابه الرسمي على "فيس بوك" وكتب: "صباح الفل عليكم
اغنيتي الجديده ( ولسه ياما ) هتنزل يوم 10/8/2022
اغنيه دراما علشان بس الناس اللي بتطلب دايما مني الاغاني الحزينه"
وتابع: "معرفش إذاي واحنا في الصيف وبهجه وكده بس حاضر. الاغنيه كلمات الشاعر الموهوب جدا تامر حسين والحان المتميز العزبز عزبز الشافعي وتوزيع ومكساج وماستر الموزع الموسيقي الكبير اسامه الهندي
اتمني الاغنيه تعجبكم"

رامي صبري يرد على الإنتقادات ل "أنتي جنان"

رد الفنان رامي صبري على الإنتقادات التي توجهت له عقب طرح أحدث أغانيه التي تحمل عنوان "أنتي جنان"، ورد من خلال حسابه على فيس بوك
حيث أنها نشر صورته وعلق عليها قائلًا: "حبايبي مساء الفل عليكم
انا عارف ان اغلبيه الاغاني اللي بنزلها بتبقي غريبه عليكم وعلي اللي متعودين عليه مني. ولكن انا شخص بيحب التطوير في الشغل يعني عمرك ما هتسمع مني اغنيه شبه التانيه ابدا وده تميزي بين الاخرين، يذكر أن الأغنية حققت 2 مليون مشاهدة بعد طرحها بفترة قصيرة واحتفل رامي بهذا النجاح من خلال نشر ذلك الصورة.

وتابع: "اغنيه انتي جنان اغنيه جديده عن المسموع تماما من حيث الكلمه واللحن والmusic بتاعتها توزيع (جلال الحمداوي) وده موزع مغربي عربي عالمي.
المقصود ان انت جاي هنا تسمع حاجه ( مختلفه)".
وأضاف: "وجديده عمري ماهقدر اسمك قديم عايز قديم عندك مغنيين كتير أو ي واحسن مني كمان. ولكن صدقني انا من الفنانين المتجددين وليس من الفنانين اللي بينزلو اغاني جديده فقط".
واختمم حديثه قائلًا: "اغنيه انتي جنان اغنيه جمبله اغنيه صيفيه مبهجه افرحو واتبسطو بيها وبلاش انتقادات وخلاص، ملحوظه ليه كتبت البوست ده ؟ علشان اللي مش فاهم يفهم مين بيعمل ايه رامي صبري".

ويقول مقطع من الأغنية: "انتي في الشتا باريس اووبا مودك احلى من المالديف وأوبا الجمال ده مش خفيف ده طلقة انت جايه منين".

رامي صبري يشكر القائمين على أغنية أنتي جنان
وجه رامي الشكر للقائمين على الأغنية فقال:"فخور جدا جدا بأغنيتي الجديده "أنتي جنان" واني قدرت اعمل اغنيه مختلفه تماما عن العادي والمتوقع. وده دايما اللي عايز اقدمه للجماهير المحترمه اللي "بتفهم".
وتابع: "بشكر الفنانين المبدعين اللي اشتغلو علي الاغنيه واحد واحد واولهم الموزع المبدع صديقي/ جلال الحمداوي، موزع موسيقي مختلف وفنان حقيقي وكل شغلنا مع بعض بيكون مختلف شكرا علي الاغنيه الحلوه أو ي أو ي".
وأضاف: "بقدم لأول مره شاعر انا شايف إنه مختلف / اسلام الجريني. ألفاظه جريئه وجديده بتوقع له نجاح كبير في الفتره القادمه، كمان بقدم ملحن شاطر وموهوب جدا وهو / تيام علي وبتوقع له نجاح مختلف الفتره اللي جايه".
واختتم حديثه قائلًا: "اخيرا انتي جنان اغنيه صيفيه مبهجه لأجواء الصيف والفرح استمتعوا، انتي جنان تريند".

الجدير بالذكر أن آخر أعمال رامي صبري الغنائية هي أغنية "هي" وهي من ألحان نادر عبد الله وغناء رامي صبري".