أعلن المطرب محمد رشاد، أن أزمة طلاقه الحالية من الإعلامية مي حلمي، هي الطلاق الثالث الذي وقع بينهما. وقال رشاد، خلال بوست عبر حسابه الرسمي بموقع تبادل الصور والفيديوهات "إنستجرام"، "قبل أي شئ بسم الله الرحمن الرحيم ( الطلاق مرتان فإمساك بمعروف أو تسريح بإحسان ) صدق الله العظيم، الآية دي بتلخص تفاصيل كثيرة مش هتكلم فيها لأنها تفاصيل تخصني وتخص طرف تاني كان في يوم جزء من حياتي". وبعد ثلاث مرات طلاق مينفعش نكمل وكأنه محصلش، أنا بطلب من كل الناس سواء بتحبني أو لا بتابعني أو متعرفنيش أصلا إنهم يعدوا الموضوع كأنه مجاش قدامهم لأني مهما شفت من تعليقات سخيفة أو كويسة أو حتي هجوم من حد مش هتكلم عن تفتصيل زواجي بالحلو أو بالوحش. وأضاف "وفي في الأول والأخر ياريت نراعي إني البنت بتتأثر بالكلمة الوحشة قبل الحلوة. قضينا ايام منها الحلو ومنها مش حلو وكل شئ نصيب وقدر من ربنا وبتمني كل الخير والسعادة للناس ولإنسانة طيبة وليها مكان في قلبي والنصيب والعشرة انتهت لحد هنا وده هيكون آخر حاجه ممكن أقولها بخصوص الموضوع ده . وعلق رشاد علي البوست قائلاً: أتمني تقروا وتفهموا الكلام ده كويس وتنفذوه من فضلكم.. كل شئ نصيب ، والكلمة الطيبة قدرها كبير عند ربنا وفي قلوب الناس. وردا علي سؤال أحد متابعيه عن كيفية وقوع الطلاق بالرغم من عدم مي حلمي بذلك ، قال يا أستاذة يا فاضلة يا بنت الأصول طلاق ثلاث مرات يعني بحضورها مش سوشيال ميديا ، هو الكلام محتاح ترجمة. وردًا على اخبار انفصالها، علقت مي حلمي عبر خاصية الأستوري بموقع الصور إنستجرام وقالت: علي كل ما نشر من الأمس عن خبر طلاقي: لم يتم إعلامي رسميا حتي الان ، وعلمت عن خبر انفصالي و طلاقي عن طريق السوشيال ميديا زي ما انتم عرفتم بالظبط ، وآسفة حاولت أتأكد من الخبر من زوجي الحالي او السابق مش عارفة بصراحة لكن تليفونة مغلق حتي الان.
