عمرو أديب ل"شيرين" بONE: اتعملى قبل ما تتكلمى لأنك بتقولى كلام سخيف فى أحيان كتيرة

علق الإعلامى عمرو أديب، على أزمة تطاول المطربة شيرين عبد الوهاب على النيل فى إحدى الحفلات الغنائية بالشارقة، قائلًا: "جاتلى تهديدات واضحة قالتلى أوعى تدافع عن شيرين، لكن اللى مضايقنى من شيرين إنها بتسخر من مرض مؤلم مات بيه عبد الحليم حافظ".
وأشار عمرو أديب، ببرنامج "كل يوم" المذاع عبر فضائية ON E، إلى أن شيرين عليها أن تتعلم قبل أن تتكلم حتى لا تسقط فى مرة أخرى بسبب تفوقها ببعض الكلمات، وتابع موجها حديثه لشيرين "مش عيب يا شيرين يا حبيبتى تجيبى حد يعلمك إزاى تتكلمى لأن محدش بيفهم فى كل حاجة، هاتى حد يقولك تقولى إيه ومتقوليش إيه.. ومشكلة شيرين بتقول كلام سخيف جدا فى أحيان كثيرة وهى لا قاصدة ولا فاهمه ولا أى حاجة".
وأوضح عمرو أديب فى حديثه لشيرين: "قربى من الناس اللى تعلمك.. اتعلمى يا بنتى"، مضيفا فى السياق ذاته، أن شيرين لم تقصد الإهانة للنيل ولكن هى أخطأت بالفعل وأطلقت تعبير لا يصح التفوه به، لكن "المذبحة كتير قوى".
واستكمل عمرو أديب: "لو مليون واحد شتموا مصر كلها.. مصر أكبر من أى حد.. ما مصر بتتشتم كل يوم من شيرين وغير شيرين.. مصر كيان وشئ.. مش طوبة ولا لوح زجاج يتكسر.. ومتخافوش ولا شيرين ولا 100 واحد زى شيرين هيأثروا فيها.. إحنا كل يوم بنتشتم من طوب الأرض بس مصر تفضل موجودة.. مينفعش تصغروا مصر بالشكل ده ومصر مش كيان سهل ومش حاجة بسيطة علشان واوحد يشتمها هتقع".