السيسي ينفعل على هؤلاء المواطنين: "اللي يتكلم على المحكمة على طول"

غضب الرئيس عبد الفتاح السيسي، في كلمته خلال افتتاح عدد من المشروعات بمحافظات الصعيد على هامش زيارته لمحافظة قنا اليوم، من ظاهرة وضع اليد على أراضي الدولة.
الرئيس قال: "إحنا مع الاستثمار وتسهيل العمل لكل من يرغب في الاستثمار، وبنحاول ننظم العمل كدولة، وألا يكون الموضوع ماشي بشكل غير علمي وغير منظم، وبالتالي وضع اليد اللى موجود على الأراضى مش مقبول ولن نقبله".
في السياق ذاته، كلف الرئيس القوات المسلحة والشرطة، بإنهاء هذه الظاهرة بحلول نهاية مايو الجاري، قائلًا: "مش هيبقى مقبول في مصر تاني، ومحدش يمد إيده ويقول الأرض دي بتاعتي، دي بتاعة مصر، ومش من حقي أديها لك، والكلام ده غير مقبول في أي حتة في مصر، ومحدش ياخد حاجة مش بتاعته، وهي مش طابونة اللي عايز حاجة ياخدها"، متابعًا بانفعال شديد، "اللي يتكلم على المحكمة على طول".
الرئيس طالب القوات المسلحة والشرطة بإعطائه تمامًا باستعادة الأراضي المغتصبة بالكامل، "الكلام ده آخر الشهر، آخد تمام باستعادة الأراضي بالكامل".