أسامة كمال : " لا يوجد فرق بين من يقتل الناس بالقنابل او دهسا بالسيارات ...كلهم ارهابيون "

قال الاعلامى أسامة كمال أنه لافرق بين الارهابى الذى يستحل قتل المواطنين مستخدما القنابل والمتفجرات وبين من يقتلهم أيضا مستخدما السيارات فى حوادث الطرق البشعة
واضاف كمال خلال مقدمة برنامجه القاهرة 360 والمذاع عبر فضائية القاهرة والناس معلقا على محرقة البحيرة والتى راح ضحيتها 19 شهيد الى الان و17 مصاب ، قائلا "حياة راحت بسبب اهمال أو بلطجة أو ارهاب أو مخدرات أو ارهاب.. كلهم شبه بعض.. كلهم مالهمش دين وان العيال اللى اتفحموا ومش عارف ابنه من زميله كأنهم خارجين من معركة أو محرقة والتانيين ولا فارق معاهم حياتهم ولا حياة غيرهم ومقضيينها في حالة تبلد مش مفهومة.. قطعوا قلوبنا وقلوب الدنيا".

وهاجم كمال كافة المواطنين قائلا " أنتم السبب فى كده كلنا بنشوف الغلط وبنسكت وبنطنش وبنغمض عنينا ومعلهش يا ريس.. وماله يا أستاذ.. فوتها يا باشا.. ماتحبكهاش عملنا زي الناس المحترمة اللي ماتسمحش للي ماشي غلط انه يعدي ان شالله اليوم كله يفوت واحنا واقفين" مشيرا الى أن تلك الحادثة ومثيلاتها تتكرر فى مصر "ولما تسأل متعرفش تحاسب مين وللا مين وللا مين.. بس أقدر أقول لكم اننا لازم نحاسب نفسنا كلنا".