بالفيديو.. ننشر نص كلمة "السيسى" لشباب الأطباء وحديثي التخرج

أكد المشير عبد الفتاح السيسي القائد العام للقوات المسلحة ووزير الدفاع، خلال الجلسة الافتتاحية للمؤتمر السنوى الثانى لشباب الأطباء وحديثي التخرج أن الإمكانات اﻻقتصادية تقف حائلا أمام توفير خدمة طبية متميزة ل90 مليون مواطن مصرى، قائلا: إننا نحتاج إلى أطباء عندهم كفاءة وطموح لكن الأهم عندهم إيثار.. بأن يعطوا وﻻ ينتظروا أخذا الآن.. وأضاف أن حب الوطن "مش كلام وخلاص ولكن عمل ومثابرة وقدرة على علاج المشاكل".

وأضاف السيسى، أن ميزانية مصر بعد دفع الفوائد وخدمة الدين والدعم، تبلغ 165 مليار جنيه هى كل ما يتبقى للتعليم والصحة والإسكان وكل احتياجات الدولة، موضحا أننا نحتاج أن يكون هذا الرقم 3000 مليار جنيه.

ووجه السيسى رسالة لشباب الأطباء، قائلا: "خلوا بالكم لازم نكون أمناء ونتكلم بجد، قبل ما أحط اللقمة في بقي، أفكر أنا أديت إيه للبلد دي؟، حب الوطن مش كلام، أنا بكلم نفسي معاكم، مقصدش أوجه لكم أي كلمة، أنا بكلم نفسي، فيه مشكلة في بلدنا لم تواجه منذ 40 سنة، المستشفيات مش كويسة طيب ليه؟، والمدرسة مش كويسة طيب ليه؟"، مضيفا: يا ترى حد قال أدي لمصر شهر من عندي علشان الغلابة تعيش، يا ترى حد قال همشي على رجلي علشان أوفر حاجة لبلدي؟.

وتابع: "أوعوا تزعلوا مني أنا شايف مصر زي ما أنا شايفكم وشايف مشاكلها زي ما شايفكم، البلاد لا تتقدم بالكلام ولكن تتقدم بالعمل والمثابرة، ممكن جيل أو اتنين يتظلموا علشان الباقي يعيش"، مضيفا "لازم نعرف المرض علشان نعرف تعالجه، عمر مشاكل الدول تتحل في يوم وليلة، ولكن بياخد سنين سواء نجاح أو فشل".

وأشاد السيسى بالشباب: "إنتم الأمل، عايزين خدمة طبية حقيقية وخريطة حقيقية للأمراض في مصر، ويكون عندنا بحث علمي محترم معندناش اختيار إن كل حاجة ممكن نجيبها من الخارج، فقدراتنا الاقتصادية لا تتحمل"، مطالبا المواطنين بالتوقف كثيرا أمام ظروف مصر ﻻنها صعبة جدا وقبل أن نطلب أى مطلب يجب أن نسأل منين وبكام؟.

وشدد السيسي، على أن القوات المسلحة حريصة على الارتقاء بمنظومة التطوير والتحديث والبحث العلمي، بخاصة في مجال العلاج والرعاية الصحية المقدمة للمواطن.