مات بسبب المخدرات .. عادل الفار يروي تفاصيل مؤلمة عن رحيل ابنه

فجر الفنان عادل الفار العديد من التصريحات الصادمة خلال استضافته في برنامج "كلام الناس" مع ياسمين عز.
تحدث عادل الفار عن وفاة نجله بسبب المخدرات ، وعن ندمه في تركه وحيدا .
ونرصد أبرز تصريحات عادل الفار عن واقعه وفاة نجله :
قال عادل الفار، خلال لقائه ببرنامج «كلام الناس» الذي تقدمه ياسمين عز: «ابني كان بياخد مني فلوس كتير، ودي الغلطة اللي وقعت فيها، وأنا في الوقت ده كنت بشتغل كتير ودايمًا مشغول عنه، واكتشفت في الآخر إنه مدمن، و انتكس كتير لحد ما اتوفى».
وقبل وفاته وصل «شادي» إلى مرحلة متأخرة من الإدمان، وحينها فقد عادل الفار السيطرة عليه، بسبب رفضه الخضوع للعلاج من الإدمان في المستشفى، حتى دخل في وعكة صحية أثرت على رئتيه وتوفي عن عمر 35 عامًا، يقول عادل الفار: «كان حبيبي وغالي عليا، واتأثرت جدًا إني مسلمتش عليه قبل ما يموت، وكل ما تيجي على بالي آخر صورة شوفته فيها أبقى عايز أبكي».
ووجه عادل الفار رسالة لكل اب قائلا: بقول لكل أب خد بالك من ابنك عشان عمره ميضيعش متك زي ابني عمره ما ضاع مني في لحظة. صاحب ابنك وقرب منه واعرف دماغه وتفكيره وخليك قريب منه.
وأضاف الفار قائلا: النهاردة ذكرى وفاة ابني شادي.. وبدعي له ربنا يرحمه ويسامحه وبقول له سامحني يا ابني يا حبيبي على تقصيري معاك . انت غالي عليا ومفتقدك جدا.
وعن علاقته بربنا قال : في السنين اللى فاتت من حياتي.. بكلم ربنا في كل وقت بدعيه وأرجوه يسامحني ويهديني بعد سنين طوال كنت فيهم بعيد عنه.. والحمد لله على كل نعم ربنا عليا وخصوصا نعمة الهداية.