مع أصدقاء الجامعة .. تامر حسني يكشف كواليس أغنية موضوع رجوعنا

نشر الفنان تامر حسني، مقطع فيديو قصير له عبر حسابه الرسمي بتطبيق انستجرام، من بروفة أغنية موضوع رجوعنا، التي طرحها قبل 8 أيام وحققت أكثر من 8 مليون مشاهدة عبر موقع الفيديوهات يوتيوب.
وعلق تامر حسني، على الفيديو قائلا: «اول بروڤه على اغانيا الجديده مع فرقتي الموسيقية اللي هما أصحابي واخواتي من أيام الجامعه .. البروڤه كانت تحت اشراف الاستاذه تاليه .. موضوع رجوعنا من أول بروڤه مع الفرقه الموسيقية».
View this post on Instagram
A post shared by Tamer Hosny (@tamerhosny)
أحدث أغاني تامر حسني
وكان طرح المطرب تامر حسني أغنيته الجديدة 30 حياة وهي الأغنية التى يقدمها مع الموهبة الشابة مها فتوني وهي أحد اكتشافات تامر حسني خلال الفترة الأخيرة.
الأغنية من كلمات تامر حسني ومؤمن راجح وألحان مودي منير وتوزيع كريم أسامة، أما الإخراج فكان لتامر نفسه.

وتقوم كلمات الأغنية
إنتي الوحيده اللي عارفه مفتاح قلبي فين
وإنت اللي لو قربلي هم بتبعده
بتحسي بيا في أي وقت بكون حزين
طب ما إنت قلبي في عز زعله بتسعده

إنتي الحياة بالنسبة ليا واللي فيها
مش عايزه أعيش لو ثواني مش هشوفك فيها
خد مني عمري يارب كله وإديها
وأنا لو هعيش 30 حياة هفديك بيها

جنبِك أنا بقيت حد تاني أنا معرفوش
وأنا حبيت كل حاجه أولها معاك
بعلنها للعالم وإنتي بين إيديا
إنك هدية ربنا يا حبيبتي ليا

إنتي الحياه بالنسبه ليا واللي فيها
مش عايزه أعيش لو ثواني مش هشوفك فيها
خد مني عمري يارب كله وإديها
وأنا لو هعيش 30 حياة هفديك بيها

تامر حسني يعلن عن موهبته الجديدة
وكان تامر حسني قد أعلن عن كليبه الجديد وموهبته مها فتوني من خلال بوستر كتبه على صفحته صباح اليوم جاء فيه: الحقيقة من يوم ظهوري و انا بحاول اقدم اصوات جديدة ليكم على مدار رحلتي ، النهارده بقدم صوت مطربة بأغنية ديو معايا اغنية تبدأ بيها رحلتها الخاصة مع الجمهور المصري و العربي بشكل إحترافي في مشوار النجاح.
وأضاف: هي صوت من وجهة نظري من اهم الاصوات العربيه اللي فيها احساس و تمكن و خامة صوت خاصة ، و ان شاء الله هيكون ليها مستقبل كبير في عالم الأصوات النسائية في فترة قليلة وادي برضو أغنية تحبوا عليها في ايام الحب بدل اللي انا عامله فيكم من أحزان من اول الشتا.
واختتم حديثه مكمل رحلتي معاكم في اكتشاف نجوم جديدة للمستقبل و كل فترة هقدم صوت عربي جديد من مصر او من جميع انحاء الوطن العربي.