كشفت الفنانة غادة عبد الرازق كواليس تعرضها للخيانة من صديقتها. وقالت:"أنا عاطفية جدًا ودمعتي قريبة، وقوتي إني لما اتهزم أقف تاني، ولكن قوتي مش في إني مؤذية أو شريرة، أنا مش عارفة أبقى لئيمة. وتابعت : عارفة يعني إيه يبقى عندي 53 سنة ومعنديش أصحاب؟ كان عندي صاحبتي خسرتها من 25 سنة وقاطعتها 6 سنين علشان اتكلمت عليا ومن سنة عملت نفس العملة تاني وسمعتها ومتسجل ليها، ليه أنا عملت فيها إيه؟ ولا خربت بيتها ولا خدت جوزها دي لو كانت طلبت عنيا كنت اديتهالها، قعدت أقول استغفر الله العظيم ربنا مبيديش كل حاجة، خلاص أنتي مالكيش رزق ولا في أصدقاء ولا في حياة عاطفية، أنا خلاص أٌنهكت. الصور الأولى ل أسماء جلال وهشام ماجد من كواليس مسلسل أشغال شقة تعرف على أحداث الحلقات الأولى من مسلسل «روز وليلى» تحدثت الفنانة غادة عبد الرازق عن علاقتها بابنتها روتانا وكيفية التعامل بينهم. وقال خلال حلولها صيفة على برنامج الراديو بيضحك:" أنا بحب بنتي روتانا جداً وهى أهم نعمة في حياتى كلها، وبحمد ربنا عليها طول الوقت، لكن مش ها أكذب أنا كان نفسى في ولد، وكانت أمنية كبيرة عندى".وأضافت غادة عبد الرازق : "عندي ابن اختى بمثابة ابني بالظبط، ولو جاله دور برد بتجنن عليه وبخاف جدا. صيد العقارب تحدثت الفنانة غادة عبد الرازق عن تفاصيل مسلسل صيد العقارب، والاسباب التي حمستها له. وقالت خلال برنامج الراديو بيضحك:"مسلسل صيد العقارب عمل مختلف واكتشفت إن مؤلفه دكتور باهر دويدار كتبه من 10 سنين بالظبط، اما اتكلمنا وقلتله عايزين نعمل حاجة اجتماعية زي مسلسلات زمان ارابيسك وليالى الحلمية اللى المجتمع بيحب يتفرج عليها وبتكون اجتماعية فحكالى الفكرة". وتابعت:"أما بقعد اسرح في وشوش زملائى الفنانين اللى معايا في صيد العقارب بفرح جدا، وأقول ايه الحلاوة دي كلهم ممثلين عظماء وكبار مركزين علشان نعمل حاجة كويسة فقط". مسلسل "صيد العقارب" من تأليف باهر دويدار، وإخراج أحمد حسن، بطولة رياض الخولي وسيمون ومحمد علاء وأحمد ماهر، مجدى بدر، ساميه عاطف،ميار الغيطى، عماد صفوت، أحمد ماجد، أحمد جمال سعيد، محمد على رزق، عزوز عادل، منال سلامة، صفاء جلال، مى القاضي، سيف الديربى، محمد صلاح، ونخبه من النجوم، ومن إخراج أحمد حسن، وإنتاج فينومينا، منتج فنى مصطفى الغزولى، برديوسر محمد سليمان.
