انتصار: السيدات ليس لهم هدف محدد في الحياة ورأيهم بيتغير باستمرار| فيديو

أكدت الفنانة انتصار أن السيدات ليس لهم هدف محدد في الحياة، وأن آرائهم تتغير باستمرار بين الحين والآخر، كما أن المرأة لن تتمكن من تغيير صفات الرجل بعد الزواج.


وقالت انتصار في مقدمة برنامج "من غير نفسنة" الذي تقدمه مع الفنانة بدرية طلبة ونوليا، عبر شاشة قناة "هي": الراجل والست لما بيكبروا بيتهدوا فبيولفوا على بعض، ولكن وهما صغيرين الدنيا بتاخدهم، ولو اتجوزتي واحد بيخرج كتير عمرك ما هتعرفي تقعديه في البيت حتى لو معاكي 5 عيال، ولو اتجوزتي راجل بيتوتي هيفضل بعد الجواز بيتوتي، إنتي مش هتغيري أي حاجة في الراجل بعد الجواز.

وتابعت: الستات مش عارفة هي عايزة إيه، طول النهار هري وفرك، يعني معاها واحد كويس وطيب تقولك مش نغش، لو معاها النغش تقولك ده تاعبني وطول الوقت الستات بيبصوا عليه، لو معاها الممشوق تقولك الستات كلها عايزة تخطفه مني، ولو خدت الصغير تقولك تافه أوي وعايزة أخد واحد من سني.

"من غير نفسنة" برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.